అమెరికా డాలర్ ఆధారిత యూఎస్ ట్రెజరీ బాండ్లు, పసిడి నిల్వల కేటాయింపుల్లో చోటుచేసుకున్న ఈ బలమైన మార్పులు, ప్రపంచ ఆర్థిక వ్యవస్థ యొక్క భవిష్యత్తు దిశానిర్దేశాన్ని స్పష్టం చేస్తున్నాయి. ముఖ్యంగా చైనా, భారత్, జపాన్, స్విట్జర్లాండ్, యునైటెడ్ కింగ్‌డమ్ దేశాలు తమ నిల్వల సమతుల్యతను కాపాడుకోవడంలో పూర్తిగా వేర్వేరు మార్గాలను ఎంచుకున్నాయి. అంతర్జాతీయ మార్కెట్లో చైనా అనుసరించిన వైఖరి అత్యంత ప్రాధాన్యతను సంతరించుకుంది. యూఎస్ ట్రెజరీ సెక్యూరిటీలపై ఆధారపడటాన్ని తగ్గించుకునే వ్యూహాత్మక ఆలోచనలో భాగంగా.. చైనా జూన్ 2016 నుండి జూన్ 2026 మధ్య కాలంలో తన ట్రెజరీ హోల్డింగ్స్‌ను 1.19 ట్రిలియన్ డాలర్ల నుండి ఏకంగా 47 శాతం తగ్గించి 633.4 బిలియన్ డాలర్లకు పరిమితం చేసింది.

Bangladesh : అంధకారంలో బంగ్లాదేశ్..!

China’s staggering strategy

China’s staggering strategy : చైనా తమ ఆర్థిక వ్యవస్థను రక్షించుకోవడమే లక్ష్యంగా

అదే సమయంలో.. తన భద్రతా నిల్వలను పటిష్టం చేసేందుకు బంగారు నిల్వలను 1,842.56 టన్నుల నుండి 27 శాతం పెంచి 2,346.43 టన్నులకు చేర్చింది. డాలర్ ఆధిపత్యం నుండి బయటపడి తమ ఆర్థిక వ్యవస్థను రక్షించుకోవడమే లక్ష్యంగా చైనా ఈ “డి-డాలరైజేషన్” వ్యూహాన్ని నిలకడగా అమలు చేస్తోందని ఆర్థిక నిపుణులు విశ్లేషిస్తున్నారు. చైనా వైఖరికి భిన్నంగా భారత రిజర్వ్ బ్యాంక్ ద్విముఖ వృద్ధి వ్యూహాన్ని ఎంచుకుంది. 2016-2026 కాలంలో భారతదేశం తన యూఎస్ ట్రెజరీ నిల్వలను 59 శాతం పెంచి 186.4 బిలియన్ డాలర్లకు చేర్చగా.. అదే నిష్పత్తిలో తమ Gold నిల్వలను కూడా 58 శాతం మేర పెంచి 880.51 టన్నులకు చేర్చడం విశేషం. దీనివల్ల విదేశీ చెల్లింపులలో స్థిరత్వం లభించడమే కాకుండా, విపత్తు సమయాల్లో బంగారం రక్షణ కవచంగా నిలుస్తుందని భారత రిజర్వ్ బ్యాంక్ భావిస్తోంది.

బ్రిక్స్ సమ్మిట్లో స్పృహ తప్పిన జిన్‌పింగ్?