ఇరాన్ అమెరికాల మధ్య కొనసాగుతున్న యుద్ధం, హర్మూజ్ జలసంధి వంటి కీలక అంశాలపై అమెరికా అధ్యక్షుడు డొనాల్డ్ ట్రంప్ నా అధ్యక్షుడు షీ జిన్‌పింగ్ మధ్య చర్చలు జరిగాయి.

బీజింగ్‌లోని గ్రేట్ హాల్ ఆఫ్ ది పీపుల్‌లో అమెరికా అధ్యక్షుడు డొనాల్డ్ ట్రంప్ మరియు చైనా అధ్యక్షుడు షీ జిన్‌పింగ్ మధ్య జరిగిన సమావేశం ప్రపంచ రాజకీయాల్లో కొత్త మలుపు తిప్పింది. ముఖ్యంగా ఇరాన్ అణ్వాయుధాల తయారీని నిరోధించడం మరియు ప్రపంచ ఇంధన సరఫరాకు కీలకమైన హర్మూజ్ జలసంధిని రక్షించడంపై ఇరు దేశాలు ఏకాభిప్రాయానికి వచ్చాయి. ఇరాన్ ఎప్పటికీ అణ్వాయుధాన్ని కలిగి ఉండకూడదని అమెరికా, చైనా నిర్ణయించాయి. ఇది ప్రాంతీయ స్థిరత్వానికి అత్యంత ఆవశ్యకమని ఇరువురు నేతలు అభిప్రాయపడ్డారు. ప్రపంచ చమురు సరఫరాకు ఆటంకం కలగకుండా హర్మూజ్ జలసంధిని నిరంతరం తెరిచి ఉంచాలని నిర్ణయించారు. అయితే, ఈ మార్గాన్ని సైనికీకరించడం లేదా దీనిపై సుంకాలు విధించడాన్ని చైనా వ్యతిరేకిస్తుందని జిన్‌పింగ్ స్పష్టం చేశారు.

Read Also: BRICS: భారత్ కు చేరుకున్న ఇరాన్ విదేశాంగ మంత్రి

Trump China Visit

Trump China Visit: ఫెంటానిల్ నియంత్రణ ఆర్థిక, వాణిజ్యం ఒప్పందాలు

అమెరికా నుంచి మరిన్ని వ్యవసాయ ఉత్పత్తులను కొనాలని ట్రంప్ సూచించారు. చైనాలో అమెరికన్ కంపెనీలకు మార్కెట్ అవకాశాలను పెంచడంపై చర్చలు జరిగాయి. ఈ భేటీలో ఎలాన్ మస్క్, టిమ్ కుక్ వంటి దిగ్గజ వ్యాపారవేత్తలు కూడా పాల్గొన్నారు.
అమెరికాలోకి అక్రమంగా వస్తున్న ఫెంటానిల్ రసాయనాలను అడ్డుకోవడంలో కలిసి పనిచేయాలని ఇరు పక్షాలు అంగీకరించాయి. చైనా-అమెరికా సంబంధాల్లో తైవాన్ సమస్య అత్యంత సున్నితమైనదని, దీన్ని సరిగ్గా పరిష్కరించకపోతే తీవ్ర ఘర్షణలకు దారితీస్తుందని షీ జిన్‌పింగ్ హెచ్చరించారు. “మనం ప్రత్యర్థులుగా కాకుండా భాగస్వాములుగా ఉండాలి” అని జిన్‌పింగ్ పేర్కొన్నారు.