ఆలయ తొలి చీఫ్ ఎగ్జిక్యూటివ్ ఆఫీసర్ (CEO) గా విశ్రాంత ఎయిర్ మార్షల్ జితేంద్ర మిశ్రాను నియమిస్తూ ట్రస్ట్ అధికారికంగా నిర్ణయం తీసుకుంది. అత్యంత పవిత్రమైన ఈ క్షేత్ర బాధ్యతలను సమర్థవంతంగా నిర్వహించేందుకు అనుభవజ్ఞులైన అధికారిని ఎంపిక చేయడంపై సర్వత్రా హర్షం వ్యక్తమవుతోంది.

విరాళాల చోరీ వివాదాల నేపథ్యంలో ప్రాధాన్యత సంతరించుకున్న నియామకం

ఇటీవల కాలంలో అయోధ్య రామాలయానికి వస్తున్న విరాళాలు, హుండీ కానుకలు మరియు బహుమతుల విషయంలో జరిగిన కొన్ని వివాదాలు, చోరీ ఘటనలు తీవ్ర చర్చనీయాంశంగా మారాయి. ఈ పరిణామాల నేపథ్యంలో ట్రస్ట్ అప్రమత్తమైంది. ఆలయ ఆర్థిక లావాదేవీలు మరియు భద్రతా వ్యవహారాలపై కఠిన నిఘా ఉంచే ఉద్దేశంతోనే ఈ సీఈవో నియామకం చేపట్టినట్లు తెలుస్తోంది.

Jitendra Mishra: ఆలయ నిర్వహణలో పారదర్శకతకు పెద్దపీట

భవిష్యత్ లో ఎలాంటి వివాదాలకు తావులేకుండా రామమందిర పరిపాలనను గాడిలో పెట్టడమే ఈ నియామకం ప్రధాన ఉద్దేశం. కొత్త సీఈవో రాకతో ఆలయ కార్యకలాపాలలో పారదర్శకత, జవాబుదారీతనం గణనీయంగా పెరుగుతాయని ట్రస్ట్ భావిస్తోంది. దేశ విదేశాల నుంచి వచ్చే వేలాది మంది భక్తులకు మెరుగైన వసతులు కల్పించడంతో పాటు, విరాళాల నిర్వహణను పూర్తిగా డిజిటలైజ్ చేసి పకడ్బందీ విధానాలను అమలు చేసే అవకాశం ఉంది.

Epaper: epaper.vaartha.com

ధర లేక రోడ్డుపై పారబోసిన టమోటాలు