సుమారు 48 కిలోల బరువుతో అరుదైన శిల్పకళా నైపుణ్యంతో రూపుదిద్దుకున్న ఈ ‘బంగారు గణేశుడు’ భక్తులను ఎంతగానో మంత్రముగ్ధులను చేస్తున్నాడు. ఈ దివ్య రూపాన్ని కళ్లారా వీక్షించేందుకు నలుమూలల నుంచి జనం పోటెత్తుతున్నారు.

అమెరికన్ డైమండ్స్ మరియు 24 క్యారెట్ల బంగారు పూతతో ప్రత్యేక అలంకరణ

అత్యంత ప్రతిభావంతులైన కళాకారులు ఈ స్వర్ణ గణనాథుడిని అపురూపంగా తీర్చిదిద్దారు. ఈ విగ్రహాన్ని సుమారు 3.83 లక్షలకు పైగా మెరిసే అమెరికన్ డైమండ్స్‌తో సర్వాంగ సుందరంగా అలంకరించారు. దీనికి అదనంగా 24 క్యారెట్ల స్వచ్ఛమైన బంగారు పూతను ప్రయోగించడంతో, స్వామివారు దివ్యకాంతులతో దేదీప్యమానంగా వెలిగిపోతున్నారు. ఈ అద్భుత దృశ్యాన్ని చూసిన భక్తులు తన్మయత్వానికి లోనవుతున్నారు.

Vinayaka Chavithi: ముంబై లాల్‌బాగ్‌చా రాజా మరియు తిరుపతి శ్రీవారి స్ఫూర్తితో రూపకల్పన

ఈ విశిష్ట విగ్రహ రూపకల్పన వెనుక ప్రత్యేకమైన నేపథ్యం ఉంది. ముంబైలోని ప్రసిద్ధ ‘లాల్‌బాగ్‌చా రాజా’ అలాగే కలియుగ దైవం ‘తిరుపతి శ్రీ వేంకటేశ్వర స్వామి’ దివ్య రూపాల స్ఫూర్తితో ఈ విగ్రహాన్ని రూపొందించినట్లు నిర్వాహకులు తెలిపారు. ఈ రెండు ప్రసిద్ధ దైవిక రూపాల అద్భుత మేళవింపుగా రూపుదిద్దుకున్న ఈ స్వర్ణ గణపతి భక్తులకు కనుల పండువగా దర్శనమిస్తున్నాడు.

Epaper: epaper.vaartha.com

కాసేపట్లో ఖైరతాబాద్ మహా గణపతికి తొలి పూజ.. గవర్నర్ చేతుల మీదుగా