Bengal Pro T20 League Auction 2026: బెంగాల్ క్రికెట్ చరిత్రలో సరికొత్త అధ్యాయం మొదలైంది. తొలిసారిగా నిర్వహించిన పురుషుల టీ20 లీగ్ ప్లేయర్ల వేలం అత్యంత ఉత్సాహంగా ముగిసింది.

ఎనిమిది ఫ్రాంచైజీలు తమకు కావాల్సిన ఆటగాళ్ల కోసం హోరాహోరీగా పోటీ పడటంతో, పలువురు ప్లేయర్లు భారీ ధరలను సొంతం చేసుకున్నారు. ఈ వేలంలో ఆల్‌రౌండర్ షాబాజ్ అహ్మద్ అందరికంటే ఖరీదైన ఆటగాడిగా నిలిచారు.

Read Also:IPL 2026 : నేడు మరో కీలక మ్యాచ్..ఇందులో ఓడితే ఆ జట్టు ఇంటికే

Shahbaz Ahmed Bengal T20 Price

హోరాహోరీగా సాగిన వేలం.. టాప్ ప్లేయర్లు వీరే!

వేలంలో ప్రధాన ఆకర్షణగా నిలిచిన షాబాజ్ అహ్మద్‌ను రూ. 12.20 లక్షలకు శ్రాచి ట్రైబ్స్ రార్ టైగర్స్ జట్టు ‘రైట్ టు మ్యాచ్’ (RTM) కార్డును ఉపయోగించి దక్కించుకుంది.

ఇతర కీలక ఆటగాళ్ల వివరాలు:

• అభిషేక్ పోరెల్: వికెట్ కీపర్ బ్యాటర్ అభిషేక్ పోరెల్‌ను లక్స్ శ్యామ్ కోల్‌కతా టైగర్స్ రూ. 10.40 లక్షలకు కొనుగోలు చేసింది.
• ముఖేష్ కుమార్: టీమ్ ఇండియా పేసర్ ముఖేష్ కుమార్‌ను సోబిస్కో స్మాషర్స్ మాల్దా జట్టు రూ. 9.60 లక్షలకు (RTM ద్వారా) నిలబెట్టుకుంది.
• ఆకాశ్ దీప్: గాయం కారణంగా ప్రస్తుతం అందుబాటులో లేని ఆకాశ్ దీప్, ఫిట్‌నెస్ సాధించిన తర్వాతే లీగ్‌లోకి అడుగుపెట్టనున్నారు.

ఈ ఏడాది లీగ్‌లో మొత్తం ఎనిమిది ఫ్రాంచైజీలు పాల్గొంటున్నాయి. ఇందులో నోవస్ పురూలియా రాయల్స్ జట్టు కొత్తగా చేరడం విశేషం. కేవలం అనుభవజ్ఞులైన సీనియర్లనే కాకుండా, అండర్-19, అండర్-16 విభాగాల నుంచి వచ్చిన యువ ప్రతిభావంతులను కూడా ఫ్రాంచైజీలు ఎంచుకోవడం ద్వారా యువతకు పెద్దపీట వేశాయి.