IPL 2026 Playoffs Schedule: ఐపీఎల్ 2026 సీజన్ ముగింపు దశకు సంబంధించిన షెడ్యూల్‌ను బీసీసీఐ అధికారికంగా ప్రకటించింది. మార్చి 28న ప్రారంభమైన ఈ మెగా టోర్నీ మే 31న జరిగే గ్రాండ్ ఫైనల్‌తో ముగియనుంది.

అయితే, గత ఏడాది విజేత అయిన రాయల్ ఛాలెంజర్స్ బెంగళూరు హోమ్ గ్రౌండ్‌లో (చిన్నస్వామి స్టేడియం) ఫైనల్ జరగాల్సి ఉన్నప్పటికీ, అనూహ్య కారణాలతో వేదికను మార్చారు.

Read Also :SRH vs PBKS: ఓపెనర్ల మధ్యే అసలు పోరు.. వెట్టోరి ఆసక్తికర వ్యాఖ్యలు!

ప్లేఆఫ్స్ షెడ్యూల్ మరియు వేదికలు:

బీసీసీఐ ఈసారి ప్లేఆఫ్స్ కోసం విభిన్నమైన వేదికలను ఎంపిక చేసింది. అన్ని ప్లేఆఫ్స్ మ్యాచ్‌లకు రిజర్వ్ డే సౌకర్యం కల్పించింది.

• మే 26 – క్వాలిఫైయర్ 1: ధర్మశాల (HPCA స్టేడియం)
• మే 27 – ఎలిమినేటర్: న్యూ ఛండీఘర్
• మే 29 – క్వాలిఫైయర్ 2: న్యూ ఛండీఘర్
• మే 31 – ఫైనల్: అహ్మదాబాద్ (నరేంద్ర మోదీ స్టేడియం)

బెంగళూరు నుంచి అహ్మదాబాద్‌కు ఎందుకు మారింది?

సాధారణంగా డిఫెండింగ్ ఛాంపియన్ హోమ్ గ్రౌండ్‌లో ఫైనల్ నిర్వహించడం ఐపీఎల్ ఆనవాయితీ. కానీ ఈసారి రెండు ప్రధాన కారణాల వల్ల బెంగళూరుకు ఆ అవకాశం దక్కలేదు:

1. టికెట్ల వివాదం: కర్ణాటకకు చెందిన ఒక ఎమ్మెల్యే ఐపీఎల్ టికెట్ల కోసం స్థానిక అసోసియేషన్ మరియు అధికారులతో గొడవకు దిగినట్లు బీసీసీఐ దృష్టికి వచ్చింది. ఆ డిమాండ్లకు తలొగ్గడం ఇష్టం లేక బీసీసీఐ ఫైనల్‌ను అహ్మదాబాద్‌కు తరలించింది.
2. భద్రతా పరమైన ఆందోళనలు: ఐపీఎల్ 2025లో ఆర్‌సీబీ టైటిల్ గెలిచినప్పుడు చిన్నస్వామి స్టేడియంలో జరిగిన వేడుకల్లో తొక్కిసలాట జరిగి 11 మంది మరణించారు. స్టేడియం సామర్థ్యం తక్కువగా ఉండటం, భద్రతా ఇబ్బందుల దృష్ట్యా ఫైనల్ లాంటి హై-వోల్టేజ్ మ్యాచ్‌ను అక్కడ నిర్వహించడం క్షేమం కాదని బీసీసీఐ భావించింది.