కృష్ణానది నుంచి 270 ఎంజీడీలు, గోదావరి నుంచి 162 ఎంజీడీలు, సింగూరు, మంజీరా నుంచి 120 ఎంజీడీలు, జంట జలాశయాల నుంచి 45 ఎంజీడీల తాగునీరు అందుతోంది. అయితే నగర ప్రజల అసలు అవసరాలకు మరో 100 నుంచి 200 ఎంజీడీల నీరు అదనంగా అవసరమవుతోంది. ప్రస్తుత డిమాండ్ 700 నుంచి 750 ఎంజీడీలకు చేరింది. గతేడాది సెప్టెంబర్ చివరి నాటికి అన్ని ప్రాజెక్టులలో కలిపి 25 టీఎంసీల నీటి నిల్వ ఉండగా, ఈ ఏడాది కేవలం 15 టీఎంసీల నీరు మాత్రమే మిగిలింది.

IMD weather update: హైదరాబాద్‌లో నేడు వర్ష సూచన

The threat of water scarcity gripping Bhagyanagar

అడుగంటిన జలాశయాలు అంచనాలకు మించిన ఇక్కట్లు

ప్రస్తుతం సింగూరు, మంజీరా ప్రాజెక్టులు డెడ్ స్టోరేజ్ కు దగ్గర కావడంతో అత్యవసర పంపింగ్ ద్వారా తాగునీటిని అందిస్తున్నారు. జలమండలి పరిధిలోని 14న్నర లక్షల కనెక్షన్లకు నీరు అందించడం అధికారులకు పెద్ద సవాలుగా మారింది. లోటు వర్షపాతం కారణంగా భూగర్భజలాలు అడుగంటిపోయి బోరుబావులు ఎండిపోతున్నాయి. దీంతో గ్రౌండ్ వాటర్ పై ఒత్తిడి విపరీతంగా పెరిగిపోయింది. జలాశయాల్లో నీటి నిల్వలు రానున్న మూడు నెలలకు మాత్రమే సరిపోతాయని అంచనా వేస్తున్నారు. శివారు మున్సిపాలిటీలను గ్రేటర్ లో కలపడంతో ఆ ప్రాంతాలకు నీరు అందించడం మరింత కష్టతరంగా మారుతోంది. గృహ అవసరాలతో పాటు వాణిజ్య అవసరాలకు కూడా జలమండలి నీటిపై ఆధారపడటం వల్ల కొరత తీవ్రమవుతోంది.

Water scarcit:రేపటి కరవు ముప్పును ఆపే మార్గమేది

భూగర్భజలాలను అనవసరంగా తోడితే భవిష్యత్తులో చుక్క నీరు కూడా దొరకని పరిస్థితి ఏర్పడుతుంది. తాజా పరిస్థితులను నగర ప్రజలు అర్థం చేసుకొని బాధ్యతగా నీటిని వినియోగించుకోవాలని జలమండలి ఎండీ అశోక్ రెడ్డి స్పష్టం చేశారు. ఇప్పుడు ఇస్తున్న నీటిలో 95 శాతం సరిపోవాలని, సరిపోకపోతే అదనంగా వాడుతున్నట్లే లెక్క అని తెలిపారు. వర్షాభావ పరిస్థితులను దృష్టిలో ఉంచుకొని ప్రతి ఒక్కరూ నీటి వృధాను అరికట్టాలి. ఇంకుడు గుంతల ద్వారా భూగర్భజలాలను పెంపొందించుకోవడానికి ప్రజలందరూ సహకరించాలి. ప్రభుత్వ చర్యలతో పాటు సామూహిక భాగస్వామ్యం ఉంటేనే ఈ తాగునీటి సంక్షోభం నుంచి బయటపడవచ్చు.

Epaper: epaper.vaartha.com

పాతాళానికి పడిపోయిన బోర్ల నీరు