భారత మైనింగ్ రంగం రికార్డు.. ఒక్క ఏడాదిలోనే 212 ఖనిజ బ్లాకుల వేలం.

India mining news: గనుల రంగంలో సంస్కరణలను వేగవంతం చేయాలని కేంద్ర గనుల మంత్రిత్వ శాఖ కార్యదర్శి పీయూష్ గోయల్ సూచించారు. దేశీయ ఖనిజ ఉత్పత్తిని పెంచడం, వేలం వేసిన ఖనిజ బ్లాకులను సకాలంలో కార్యాచరణలోకి తీసుకురావడంపై దృష్టి సారించాలన్నారు.

కేటగిరీ ఎ ఖనిజ నిక్షేపాలున్న రాష్ట్రాల సీనియర్ అధికారులతో ఈరోజు 9వ నెలవార్ సమీక్షా సమావేశానికి అధ్యక్షత వహించారు. ఖనిజ బ్లాకుల వేలం, కార్యాచరణ పురోగతిపై ఈ సమావేశంలో సమీక్షించిన తదుపరి ఆయన మాట్లాడుతూ గనుల బ్లాక్ వేలం విధానాన్ని ప్రవేశపెట్టినప్పటి 2015-16 ఆర్ధిక సంవత్సరం నుండి 2020-21 వరకు మొత్తం 108 ఖనిజ బ్లాక్లు విజయవంతంగా వేలం వేయబడ్డాయని హైలైట్ చేయబడిందని వెల్లడించారు. ఆ తర్వాత వేలం వేగం గణనీయంగా పెరిగిందన్నారు. ఈ నేపథ్యంలోనే 2021-22 ఆర్ధిక సంవత్సరం నుండి 2024-25 ఆర్ధిక సంవత్సరం మధ్య కాలంలో దేశం. మొత్తం మీద 364 ఖనిజ బ్లాక్లు విజయవంతంగా వేలం వేయబడ్డాయని వివరించారు.

Success of mining reforms in india

India mining news: మైనింగ్ కార్యకలాపాల్లో పురోగతి

వేలం ఇది సంవత్సరానికి సగటున 90 బ్లాక్ లకు సమానమని తెలిపారు. ఒక్క 2025-26 ఆర్థిక సంవత్సరంలోనే రికార్డు స్థాయిలో 212 ఖనిజ బ్లాక్లు విజయవంతంగా వేలం వేయబడ్డాయన్నారు. విధానం ప్రారంభమైనప్పటి నుండి ఒకే ఆర్ధిక సంవత్సరంలో నిర్వహించిన అత్యధిక ఖనిజ బ్లాక్ వేలంపాటల సంఖ్య ఇదే కావడం విశేషమని పేర్కొన్నారు. ఇది భారతదేశ ఆర్థిక వృద్ధికి, స్వచ్ఛ ఇంధన పరివర్తనకు అవసరమైన కీలక ఖనిజ వనరులను సురక్షితం చేయడంపై ప్రభుత్వం నిరంతరంగా దృష్టి సారిస్తోందనదాన్ని ప్రతిబింబిస్తుందన్నారు. కాగా వేలం వేసిన బ్లాక్ ల కార్యాచరణ స్థితిని కూడా సమీక్షిస్తూ 2015 -16 ఆర్ధిక సంవత్సరం నుండి 2024-25 వరకు మొత్తం 20 గ్రీన్ఫీల్డ్, 38 బ్రౌన్ఫీల్డ్ బ్లాక్లతో కూడిన 58 బ్లాక్లు కార్యాచరణలోకి వచ్చాయన్నారు. అలాగే 2025-26 ఆర్ధిక సంవత్సరంలో 28 గ్రీన్ఫీల్డ్, 8 బ్రౌన్ఫీల్డ్ బ్లాక్లతో సహా మొత్తం 36 మినరల్ బ్లాక్లు కార్యాచరణలోకి వచ్చాయని తెలియజేయబడింది. చట్టబద్ధమైన అనుమతులను వేగవంతం చేయడానికి, మైనింగ్ కార్యకలాపాలను త్వరగా ప్రారంభించడానికి, వేలం వేసిన బ్లాక్ నుండి సకాలంలో ఉత్పత్తిని నిర్ధారించడానికి కేంద్ర, రాష్ట్ర ప్రభుత్వాల మధ్య సన్నిహిత సమన్వయం అవసరమని చెప్పారు. ఆత్మనిర్బర్ భారత్ దార్శనికతను సాధించడంలో, భారతదేశ ఖనిజ భద్రతను బలోపేతం చేయడంలో కీలక ఖనిజాల అభివృద్ధి ప్రాముఖ్యతను కూడా ఆయన నొక్కి చెప్పారు.