వచ్చే నెల డెలివరీ కోసం భారతీయ రిఫైనరీ కంపెనీలు సుమారు 6 కోట్ల బ్యారెళ్ల రష్యా చమురును బుక్ చేసుకున్నాయి. ఫిబ్రవరి నెలతో పోలిస్తే ఈ కొనుగోళ్లు రెట్టింపు కంటే ఎక్కువగా ఉండటం విశేషం.

Oil Crisis: Russia Stands by India

Crude Oil Crisis: అమెరికా మినహాయింపులు

గతంలో రష్యాపై ఉన్న అంతర్జాతీయ ఆంక్షల కారణంగా భారత్ దిగుమతులు తగ్గించుకున్నప్పటికీ, ప్రస్తుత పరిస్థితుల్లో అమెరికా కొన్ని కీలక మినహాయింపులు ఇచ్చింది. దీనివల్ల ఎంఆర్‌పీఎల్ హెచ్‌ఎమ్ఈఎల్ వంటి సంస్థలు రష్యా నుండి చమురును సేకరిస్తున్నాయి. సముద్ర మార్గాల్లో రవాణా నిలిచిపోయిన తరుణంలో, భారత ఇంధన భద్రతను కాపాడటానికి ఈ నిర్ణయం ఎంతో కీలకంగా మారింది. బ్రెంట్ క్రూడ్ ధర కంటే తక్కువ ధరకే ఈ చమురు లభించడం భారత్‌కు కలిసొచ్చే అంశం.

వెనిజులా నుండి కూడా సరఫరా

భారత్ కేవలం రష్యాపైనే కాకుండా, తన చమురు వనరులను ఇతర దేశాల నుండి కూడా సేకరిస్తోంది. ఇందులో భాగంగా వెనిజులా నుండి ఏప్రిల్ నెలలో సుమారు 80 లక్షల బ్యారెళ్ల చమురు రానుంది. 2020 తర్వాత వెనిజులా నుండి ఇంత పెద్ద మొత్తంలో దిగుమతి చేసుకోవడం ఇదే తొలిసారి. ఇలా రష్యా, వెనిజులా వంటి దేశాల నుంచి సరఫరాను స్థిరీకరించుకోవడం ద్వారా భారత్ తన పెట్రోల్, డీజిల్ అవసరాలను తీర్చుకుంటోంది.

Read hindi news: hindi.vaartha.com

Epaper: epaper.vaartha.com

Read Also: