కెనడా ప్రయాణం చేయాలనుకునే భారతీయ పౌరులకు ఇమ్మిగ్రేషన్, రెఫ్యూజీస్ అండ్ సిటిజన్‌షిప్ కెనడా (IRCC) తీపి కబురు అందించింది. మే 14, 2026 నాటి తాజా నివేదిక ప్రకారం, విజిటర్ వీసా ప్రాసెసింగ్ సమయాన్ని గణనీయంగా తగ్గించినట్లు స్పష్టం చేసింది.

గతంలో నెలల తరబడి వేచి చూడాల్సిన పరిస్థితి ఉండేది, కానీ ఇప్పుడు విజిటర్ వీసా (Temporary Resident Visa) ప్రాసెసింగ్ కేవలం 27 రోజుల్లోనే పూర్తవుతోంది. 2026 వేసవి సెలవుల్లో కెనడా వెళ్లాలనుకునే పర్యాటకులకు , కుటుంబాలకు ఇది గొప్ప అవకాశం. అయితే, ఈ 27 రోజుల సమయం అనేది దరఖాస్తు సమర్పించినప్పటి నుండి లెక్కించబడుతుందని, ఇందులో బయోమెట్రిక్స్ ఇచ్చే సమయం లేదా కొరియర్ జాప్యం ఉండదని గమనించాలి.

Read Also: Donald Trump: చైనా అధ్యక్షుడి పై ట్రంప్ ప్రశంసలు

Canada Visa

Canada Visa: విద్యార్థుల కోసం స్టడీ పర్మిట్ అప్‌డేట్స్

2026 ఫాల్ (సెప్టెంబర్) సెషన్ కోసం సిద్ధమవుతున్న భారతీయ విద్యార్థులకు కూడా IRCC కీలక సూచనలు చేసింది. అడ్మిషన్ల రద్దీ పెరగకముందే స్టడీ పర్మిట్ కోసం దరఖాస్తు చేసుకోవడం ఉత్తమం. బయోమెట్రిక్ అపాయింట్‌మెంట్‌ను వీలైనంత త్వరగా పూర్తి చేయడం ద్వారా ప్రాసెసింగ్‌లో జాప్యాన్ని నివారించవచ్చు. క్లాసులు ప్రారంభమయ్యే సమయానికి కెనడా చేరుకోవాలంటే కనీసం కొన్ని నెలల ముందే ప్రక్రియను ప్రారంభించాలి. IRCC తన డిజిటల్ వ్యవస్థలను ఆధునీకరించడం వల్ల ఈ వేగం పెరిగినప్పటికీ, గ్లోబల్ డిమాండ్‌ను బట్టి ఈ టైమ్‌లైన్స్‌లో మార్పులు ఉండవచ్చు. కాబట్టి ప్రయాణ తేదీలను ఖరారు చేసుకునే ముందే వీసా దరఖాస్తును పూర్తి చేయడం సురక్షితం.