Stock Market: దేశీయ స్టాక్ మార్కెట్లు మంగళవారం ఉదయం స్వల్ప లాభాలతో ట్రేడింగ్‌ను ప్రారంభించినప్పటికీ, చివరకు భారీ నష్టాలతో ముగిశాయి. అమ్మకాల ఒత్తిడి పెరగడంతో ప్రధాన సూచీలు గణనీయంగా పతనమయ్యాయి.
1 శాతానికి పైగా పడిపోయిన సెన్సెక్స్, నిఫ్టీ
ట్రేడింగ్ ముగిసే సమయానికి సెన్సెక్స్ 777.94 పాయింట్లు (1.04 శాతం) నష్టపోయి 74,003.82 వద్ద స్థిరపడింది. మరోవైపు నిఫ్టీ 279.50 పాయింట్లు (1.19 శాతం) క్షీణించి 22,512.30 వద్ద ముగిసింది. మార్కెట్‌లో కొన్ని కంపెనీల షేర్లు మాత్రం లాభాలను నమోదు చేశాయి. టాటా ఇన్వెస్ట్‌మెంట్ కార్పొరేషన్, సోనాటా సాఫ్ట్‌వేర్, ఏసీఎంఈ సోలార్ హోల్డింగ్స్ వంటి కంపెనీల షేర్లు పెరిగాయి.
Stock Market: నష్టాల్లో ఈ కంపెనీలు
ఇక మరోవైపు వెల్స్‌పన్ కార్ప్, నెట్‌వెబ్ టెక్నాలజీస్ ఇండియా, జిందాల్ సా వంటి కంపెనీల షేర్లు నష్టాలను చవిచూశాయి. దీంతో మార్కెట్‌లో మొత్తం మీద ప్రతికూల వాతావరణం నెలకొంది.