Toor Dal Prices Hike: మార్కెట్లో నిత్యం వినియోగించే కందిపప్పు ధరలు సామాన్యుడిని తీవ్రంగా బెంబేలెత్తిస్తున్నాయి. గిరాకీకి తగినట్లుగా మార్కెట్‌కు సరఫరా లేకపోవడం వల్ల ధరలు రోజురోజుకూ పెరుగుతున్నాయి.
రిటైల్ మార్కెట్లో నాణ్యతను బట్టి కందిపప్పు ధర కిలో రూ. 90 నుంచి ఏకంగా రూ. 198 వరకు పలుకుతుండటంతో మధ్యతరగతి ప్రజల బడ్జెట్ తల్లకిందులవుతోంది.
కిరాణా మరియు సూపర్‌ మార్కెట్లలో ధరల వ్యత్యాసం
స్థానిక కిరాణా షాపుల్లో సాధారణ రకం కందిపప్పు కిలో రూ. 90 నుంచి రూ. 130 వరకు అమ్ముడవుతుండగా, కార్పొరేట్ సూపర్‌ మార్కెట్లలో నాణ్యమైన మరియు బ్రాండెడ్ రకాలు కిలో రూ. 140 నుంచి రూ. 165 పైచిలుకు ధరలకు విక్రయిస్తున్నారు. రకం మరియు బ్రాండ్‌ను బట్టి ధరల్లో వ్యత్యాసం కనిపిస్తున్నప్పటికీ, సామాన్యులకు మాత్రం పప్పు దినుసుల కొనుగోలు భారంగా మారుతోంది.
Toor Dal Prices Hike: ఆర్గానిక్ కందిపప్పు ధరల దూకుడు
సాధారణ రకాలతో పాటు సేంద్రియ (ఆర్గానిక్) కందిపప్పు ధరలు మరింత ప్రియంగా మారాయి. ఆరోగ్య స్పృహ పెరగడంతో చాలామంది ఆర్గానిక్ ఉత్పత్తుల వైపు మొగ్గు చూపుతున్నప్పటికీ, అర కేజీ సేంద్రియ కందిపప్పు ప్యాకెట్ రూ. 198 వరకు పలుకుతోంది. విపణిలో డిమాండ్‌కు తగ్గ నిల్వలు లేకపోవడమే ఈ ధరల పెరుగుదలకు ప్రధాన కారణమని వ్యాపార వర్గాలు పేర్కొంటున్నాయి.