బుధవారం ప్రజాభవన్‌లో జరిగిన ఈ భేటీ రాజకీయపరమైనది కాదని, కేవలం తన నియోజకవర్గ అభివృద్ధికి కావల్సిన నిధుల కేటాయింపులు, ఇతర సమస్యలపై చర్చించేందుకే కలిశామని ఆయన తేల్చిచెప్పారు. తాను ఎప్పుడూ కాంగ్రెస్ పార్టీ సిద్ధాంతాలకు కట్టుబడి పనిచేసే సీనియర్ నాయకుడినని మరోసారి గుర్తుచేశారు.

పార్టీ బలోపేతం కోసమే నా వ్యాఖ్యలు

గత బీఆర్ఎస్ ప్రభుత్వ ప్రజా వ్యతిరేక విధానాలను తాను మొదటినుంచీ తీవ్రంగా వ్యతిరేకించానని, కష్టకాలంలోనూ మునుగోడు ప్రజలు తన వెంటే నిలిచారని రాజగోపాల్ రెడ్డి పేర్కొన్నారు. తాను చేసే వ్యాఖ్యలు పార్టీని మరింత బలోపేతం చేసే ఉద్దేశంతోనే ఉంటాయని, ఎవరినీ వ్యక్తిగతంగా విమర్శించేందుకు కాదని స్పష్టం చేశారు. తమది స్వచ్ఛమైన కాంగ్రెస్ రక్తమని చెబుతూనే, పార్టీని నమ్ముకుని పనిచేస్తున్న సాధారణ కార్యకర్తలను కాపాడుకోవాల్సిన బాధ్యత పార్టీ నాయకత్వంపై ఉందని ఆయన అభిప్రాయపడ్డారు.

Komatireddy Rajagopal Reddy: కొండా సురేఖ వివాదం మరియు రాహుల్ గాంధీ ప్రధాని లక్ష్యం

మంత్రి కొండా సురేఖ వివాదానికి సంబంధించి మాట్లాడుతూ, ఈ విషయంలో పార్టీ అధిష్ఠానం తీసుకునే నిర్ణయమే అంతిమమని ఆయన స్పష్టం చేశారు. సీఎం రేవంత్ రెడ్డి ఇప్పటికే ఈ అంశంపై స్పందించారని, క్రమశిక్షణ సంఘం కూడా పీసీసీకి నివేదిక ఇచ్చిందని తెలిపారు. తనపై విమర్శలు చేసేవారు ముందుగా ఆత్మపరిశీలన చేసుకోవాలని సూచించారు. రాహుల్ గాంధీని దేశానికి ప్రధాని చేయడమే తమ అందరి ముందస్తు ప్రధాన లక్ష్యమని రాజగోపాల్ రెడ్డి పునరుద్ఘాటించారు.

సూర్యాపేట జిల్లాలో ఘోర రోడ్డు ప్రమాదం..ఐదుగురు మృతి