ఈ ఈవీ బస్సులలో ప్రయాణం చేయడం పర్యావరణానికి ఎంతో మేలు చేయడమే కాకుండా ప్రయాణికులకు అత్యంత సౌకర్యవంతంగా ఉంటుంది. అయితే ఇటీవల కాలంలో ఈ ఎలక్ట్రిక్ వాహనాలలో వరుసగా అగ్నిప్రమాదాలు సంభవించడం ప్రజల్లో తీవ్ర ఆందోళన కలిగిస్తోంది. ముఖ్యంగా తెలంగాణ, ఆంధ్రప్రదేశ్ రాష్ట్రాల్లో జరిగిన కొన్ని ఘటనలు ప్రయాణికులను భయాందోళనకు గురిచేస్తున్నాయి. గుంటూరు జిల్లా పెదకాకాని సమీపంలో 14 మంది ప్రయాణికులతో విజయవాడ వైపు వెళ్తున్న బస్సు ఒక్కసారిగా అగ్నిప్రమాదానికి గురికావడం అందరినీ కలవరపెట్టింది. అదృష్టవశాత్తు డ్రైవర్ సమయస్ఫూర్తి ప్రదర్శించి ప్రయాణికులను కిందకు దించడంతో పెను ప్రమాదం తప్పింది. ఈ ఏడాది జులైలో కరీంనగర్ డిపో ప్రాంగణంలో నిలిపి ఉంచిన బస్సులో బ్యాటరీ సాంకేతిక లోపం వల్ల మంటలు చెలరేగాయి. ఉమ్మడి మహబూబ్ నగర్ జిల్లాలో 10 ఆర్టీసీ డిపోలు ఉండగా, ప్రస్తుతం మహబూబ్‌నగర్ 16, వనపర్తి 7 చొప్పున మొత్తం బస్సులు నడుస్తున్నాయి. ఇవి హైదరాబాద్-మహబూబ్‌నగర్, వనపర్తి-హైదరాబాద్ మార్గాలలో నడుస్తుండగా జేబీఎం కంపెనీ వీటి నిర్వహణను పర్యవేక్షిస్తోంది.

Read also: TG Dasara Holidays: 13 రోజులు స్కూళ్లకు, కాలేజీలకు దసరా సెలవులు.. ప్రభుత్వం కీలక ఆదేశాలు

Alarming Fire Incidents Involving Electric Buses

ఎలక్ట్రిక్ బస్సులలో అగ్నిప్రమాదాలకు గల అసలు కారణాలు ఏమిటి

ఎలక్ట్రిక్ బస్సులలో తరచూ జరుగుతున్న ఈ అగ్నిప్రమాదాలకు ప్రధానంగా అధిక వేడి సాంకేతిక లోపాలు కారణమని నిపుణులు స్పష్టం చేస్తున్నారు. డీజిల్ లేదా పెట్రోల్ వాహనాలతో పోలిస్తే ఈవీ బస్సులు అత్యంత శక్తివంతమైన లిథియం అయాన్ బ్యాటరీలను అలాగే హై వోల్టేజ్ వైరింగ్ వ్యవస్థను ఉపయోగిస్తాయి. బస్సు పరిమాణాన్ని బట్టి చిన్న మధ్య తరహా వాహనాలలో రెండు నుంచి నాలుగు బ్యాటరీ ప్యాక్‌లను అమర్చుతారు. ప్రయాణికులకు అసౌకర్యం కలగకుండా బస్సు బ్యాలెన్స్ ఉండేలా వీటిని పైకప్పుపై, వెనుక భాగంలో లేదా అడుగున సెట్ చేస్తారు. అయితే నిర్వహణ లోపాలు, దెబ్బతిన్న వైరింగ్ లేదా చిన్న పొరపాటు జరిగినా అది క్షణాల్లో షార్ట్ సర్క్యూట్‌కు దారితీస్తుంది. బ్యాటరీలు అధిక ఉష్ణోగ్రతలకు గురికావడం వల్ల ఒక్కసారిగా మంటలు వ్యాపించే ప్రమాదం ఉంటుంది. అందుకే మెకానిక్‌లు ఎల్లప్పుడూ అప్రమత్తంగా ఉంటూ సాంకేతిక సమస్యలను ముందుగానే గుర్తించి నివారించాలి.

Electric buses fire accidents:ప్రయాణికులు ప్రాణాలు కాపాడుకోవడానికి తప్పక పాటించాల్సిన ముఖ్యమైన జాగ్రత్తలు

ఎలక్ట్రిక్ వాహనాలలో ప్రయాణించే ప్రతి ఒక్కరూ కొన్ని ప్రాథమిక భద్రతా నియమాలను తెలుసుకోవడం మరియు పాటించడం అత్యంత అవసరం. బస్సు ఎక్కిన వెంటనే అత్యవసర పరిస్థితుల్లో వాడే ఫైర్ ఎక్స్‌టింగిషర్లు ఎక్కడ ఉన్నాయో పరిశీలించాలి. అలాగే ప్రమాద సమయంలో కిటికీ అద్దాలు సులభంగా పగలగొట్టడానికి ఏర్పాటు చేసిన సుత్తులు సరిగ్గా ఉన్నాయో లేదో ఒకసారి సరిచూసుకోవాలి. ప్రయాణం చేస్తున్న సమయంలో ఎక్కడైనా ప్లాస్టిక్ కాలిన వాసన వచ్చినా లేదా బ్యాటరీ విపరీతంగా వేడెక్కినట్లు అనిపించినా వెంటనే డ్రైవర్‌కు లేదా కండక్టర్‌కు తెలియజేయాలి. ఈ చిన్న చిన్న జాగ్రత్తలను ప్రతి ఒక్కరూ విధిగా పాటిస్తే ప్రయాణాన్ని మరింత సురక్షితంగా మార్చుకోవచ్చు. ప్రభుత్వం మరియు ఆర్టీసీ అధికారులు సైతం ఎప్పటికప్పుడు వాహనాల ఫిట్‌నెస్‌ను పరిశీలిస్తూ ప్రయాణికుల ప్రాణాలకు భద్రత కల్పించాలి.

Epaper: epaper.vaartha.com

అలర్ట్.. ఇకపై చెత్త సేకరణకు ఏకంగా 4 డబ్బాలు!