తమ పిల్లల్ని హాస్టల్ ఉంచి, మంచిగా చదువుకోవాలని, వారి భవిష్యత్తు ఉన్నతంగా ఉండాలనే కోటి ఆశయాలతో వార్డెన్ కు అప్పగిస్తారు. పిల్లలు తప్పు చేస్తే, వారిని తప్పనిసరిగా క్రమశిక్షణలో ఉంచాల్సిన బాధ్యత కూడా వార్డెన్ దే. వారిని కంటికి రెప్పలా చూసుకోవాల్సిన బాధ్యత కూడా వారిదే. అలాంటి వార్డెన్లు కొందరు పదవిని అడ్డుపెట్టుకుని, విద్యార్థులపై విచక్షణారహితంగా దాడుతలకు పాల్పడుతున్నారు. తాజాగా ఓ హాస్టల్ వార్డెన్ ఓ అమ్మాయిని చితకబాదిన కేసులో సస్పెండ్ కు గురైంది. దీనికి సంబంధించిన వివరాలు ఇలా ఉన్నాయి.

ప్రతిరోజు ఇదే తంతు.. విద్యార్థుల ఆరోపణలు

భూపాలపల్లిలోని ఎస్సీ బాలికల గురుకులంలో విద్యార్థినిని తన రూపంకి పిలిపించుకున్న వార్డెన్ భవానీ, ఆ బాలికను ఇష్టమొచ్చినట్లుగా కొట్టింది. ఈ వీడియో కాస్త సోషల్ మీడియాలో పోస్టు కాగానే వైరల్ గా మారింది. ప్రతిరోజూ తమను ఇలాగే ఏదో ఒక సాకు చూపి వార్డెన్ కొడుతుందని హాస్టల్ విద్యార్థులు వాపోతున్నారు. అందేకాక విద్యార్థులను విచక్షణారహితంగా కొడుతున్న వార్డెన్ పై చర్యలు తీసుకోవాలని ప్రభుత్వ డిగ్రీ కళాశాల ముందు విద్యార్థి సంఘాలు ఆందోళన చేశాయి. ఈ ఘటన జిల్లా కలెక్టర్ దృష్టికి వెళ్లడంతో వార్డెన్ భవానిని సస్పెండ్ చేస్తూ భూపాలపల్లి జిల్లా కలెక్టర్ ఉత్తర్వులు జారీ చేశారు. భవానీ హాస్టల్ లో డిగ్రీ మూడో సంవత్సరం చదువుతున్న విద్యార్థిని కొడుతున్న ద)శ్యాలు సోషల్ మీడియాలో వైరల్ కావడంతో ఈ విషయంపై సోషల్ వెల్ఫేర్ డీడీ విచారణ చేపట్టి నివేదిక సమర్పించడంతో జిల్లా కలెక్టర్ భ వానిని సస్పెండ్ చేస్తూ ఉత్తుర్వులు జారీ చేశారు.