China ban on Indian chillies:భారతదేశం నుంచి చైనాకు ఎగుమతి అయ్యే ఎండు మిర్చిపై తాజాగా ఆంక్షలు విధించారు. చైనాలో భారత ఎండు మిర్చి నిషేధం అమలులోకి రావడంతో ఎగుమతిదారులకు పెద్ద షాక్ తగిలింది.

మిర్చిలో మిథామిడోపాస్ అనే హానికర రసాయనాలు ఉన్నాయని చైనా అధికారులు చెబుతున్నారు. ఈ రసాయనం వల్ల నాడీ వ్యవస్థ దెబ్బతింటుందని వారు ఆరోపిస్తున్నారు. గతంలో బియ్యం విషయంలో కూడా ఇలాంటి ఆంక్షలు విధించిన చైనా, ఇప్పుడు మిర్చిపై దృష్టి సారించింది.

Read also: Elon Musk: ప్రపంచంలోనే తొలి ట్రిలియనీర్‌గా ఎలాన్ మస్క్

Image regarding the ban on Indian dried red chillies in China.

రైతులు, వ్యాపారుల పై భారీ ప్రభావం

గత ఆర్థిక సంవత్సరంలో మన దేశం నుంచి చైనాకు దాదాపు 2.36 లక్షల టన్నుల ఎండు మిర్చి ఎగుమతి జరిగింది. ఇప్పుడు ఈ నిషేధం వల్ల రైతులు నష్టపోయే ప్రమాదం కనిపిస్తోంది. పంటకు గిట్టుబాటు ధర దొరకడం కష్టంగా మారుతుందని వ్యాపారులు ఆందోళన చెందుతున్నారు. అంతర్జాతీయ మార్కెట్లో భారతీయ మిర్చికి మంచి డిమాండ్ ఉంటుంది. ఇలాంటి నిర్ణయాలు దేశీయ ఎగుమతి వ్యాపారంపై ప్రతికూల ప్రభావం చూపుతాయి.

China ban on Indian chillies:నాణ్యతా ప్రమాణాల విషయంలో కఠిన చర్యలు

దిగుమతి చేసుకునే ఆహార పదార్థాల విషయంలో చైనా చాలా కఠినంగా ఉంటుంది. గతంలో కూడా పలు భారతీయ ఉత్పత్తులపై నాణ్యతా లోపాలను సాకుగా చూపి ఆంక్షలు విధించింది. ఇప్పుడు కూడా అదే కారణంతో మిర్చిని నిలిపివేశారు. భవిష్యత్తులో పంటలో రసాయనాల వాడకాన్ని తగ్గించాలని నిపుణులు సూచిస్తున్నారు. ఎగుమతులు పెరగాలంటే అంతర్జాతీయ నాణ్యతా ప్రమాణాలను పాటించడం మనకు తప్పనిసరి.