CSK IPL 2026 Match Score: ఐపీఎల్ 2026లో రాయల్ ఛాలెంజర్స్ బెంగళూరు (RCB) తమ విశ్వరూపాన్ని ప్రదర్శించింది. చిరకాల ప్రత్యర్థి చెన్నై సూపర్ కింగ్స్తో జరిగిన మ్యాచ్లో బ్యాటింగ్, బౌలింగ్ విభాగాల్లో ఆధిపత్యం చలాయించి 48 పరుగుల తేడాతో భారీ విజయాన్ని అందుకుంది.
251 పరుగుల హిమాలయ లక్ష్యంతో బరిలోకి దిగిన చెన్నై, నిర్ణీత 17 ఓవర్లలో 8 వికెట్లు కోల్పోయి 180 పరుగులు మాత్రమే చేయగలిగింది.
సర్ఫరాజ్ ఖాన్ మెరుపు హాఫ్ సెంచరీ
భారీ లక్ష్య ఛేదనలో చెన్నైకి ఆరంభంలోనే షాక్లు తగిలాయి. రుతురాజ్ గైక్వాడ్ (7), సంజు శాంసన్ (9) విఫలమైనా, సర్ఫరాజ్ ఖాన్ (50) కేవలం 25 బంతుల్లోనే 8 ఫోర్లు, 2 సిక్సర్లతో మెరుపు హాఫ్ సెంచరీ సాధించి ఆశలు రేకెత్తించాడు. అయితే కృనాల్ పాండ్యా బౌలింగ్లో అతను అవుట్ అవ్వడంతో చెన్నై పతనం మొదలైంది. చివర్లో ప్రశాంత్ వీర్ (43), జేమీ ఓవర్టన్ (37) పోరాడినా ఓటమి అంతరాన్ని మాత్రమే తగ్గించగలిగారు.
CSK IPL 2026 Match Score: ఆర్సీబీ బౌలర్ల పంజా
ఆర్సీబీ బౌలర్లలో కృనాల్ పాండ్యా, భువనేశ్వర్ కుమార్ చెరో రెండు వికెట్లు తీసి చెన్నైని దెబ్బతీశారు. అంతకుముందు బ్యాటింగ్లో టిమ్ డేవిడ్ (70), దేవదత్ పడిక్కల్ (50), మరియు రజత్ పాటిదార్ (48) వీరబాదుడుతో ఆర్సీబీ 250 పరుగుల రికార్డు స్కోరును సాధించింది. విరాట్ కోహ్లీ కూడా ఈ మ్యాచ్లో చెన్నైపై అత్యధిక పరుగులు చేసిన బ్యాటర్గా చారిత్రాత్మక రికార్డు నెలకొల్పాడు. ఈ విజయంతో ఆర్సీబీ పాయింట్ల పట్టికలో తన స్థానాన్ని మరింత మెరుగుపరుచుకుంది.
Read Also hindi news: hindi.vaartha.com
Epaper : epaper.vaartha.com
Read Also: