ఐపీఎల్ 2026 సీజన్‌లో సన్‌రైజర్స్ హైదరాబాద్ (SRH) జట్టు ప్రదర్శన అభిమానులను తీవ్ర నిరాశకు గురిచేస్తోంది. గుజరాత్ టైటాన్స్‌తో జరిగిన తాజా మ్యాచ్‌లో ఎస్‌ఆర్‌హెచ్ బ్యాటింగ్ విభాగం ఘోరంగా విఫలమై, ఐపీఎల్ చరిత్రలోనే తమ జట్టు పేరిట ఉన్న అత్యంత చెత్త రికార్డులను తిరగరాసింది.

గుజరాత్ టైటాన్స్ బౌలర్ల ధాటికి సన్‌రైజర్స్ బ్యాటర్లు క్రీజులో నిలవలేకపోయారు. కేవలం 86 పరుగులకే ఆలౌట్ కావడంతో, ఐపీఎల్ చరిత్రలో హైదరాబాద్ జట్టు తన అత్యల్ప స్కోరు (Lowest Total)ను నమోదు చేసింది. గతంలో 2019లో ముంబై ఇండియన్స్‌పై 96 పరుగులకు ఆలౌట్ కావడమే ఇప్పటివరకు జట్టుకు ఉన్న కనిష్ట స్కోరుగా ఉండేది. అయితే ఇప్పుడు ఆ రికార్డును మరింత దిగజార్చుకుంటూ రెండంకెల స్కోరుకే పరిమితమైంది. బ్యాటర్ల మధ్య సమన్వయం లోపించడం, అనవసర షాట్లకు ప్రయత్నించి వికెట్లు పారేసుకోవడం జట్టు కొంపముంచింది.

Read Also : కుప్పకూలిన సన్‌రైజర్స్.. గుజరాత్ టైటాన్స్ ఘనవిజయం

పరుగుల పరంగా అతిపెద్ద ఓటమి

ఈ మ్యాచ్‌లో ఎస్‌ఆర్‌హెచ్ కేవలం తక్కువ స్కోరుకే పరిమితం కాకుండా, పరుగుల పరంగా కూడా అత్యంత భారీ ఓటమిని చవిచూసింది. గుజరాత్ నిర్దేశించిన లక్ష్యాన్ని ఛేదించలేక 82 పరుగుల తేడాతో పరాజయం పాలైంది. 2025 సీజన్‌లో కోల్‌కతా నైట్ రైడర్స్‌పై 80 పరుగుల తేడాతో ఓడటం అప్పట్లో పెద్ద రికార్డుగా ఉండేది. తాజా మ్యాచులో ఆ రికార్డును కూడా చెరిపివేసి, పరుగుల పరంగా తన చరిత్రలోనే అతిపెద్ద ఓటమిని మూటగట్టుకుంది. ఈ స్థాయి ఓటమి నెట్ రన్ రేట్‌పై కూడా తీవ్ర ప్రభావాన్ని చూపే అవకాశం ఉంది.

గుజరాత్‌పై కొనసాగుతున్న ఓటముల పరంపర