Chia Seeds: భానుడి భగభగలకు శరీరం అల్లాడిపోతోంది. వేసవి తాపం నుంచి ఉపశమనం పొందేందుకు రకరకాల కూల్ డ్రింక్స్ తాగుతుంటాం. అయితే, మన ఇంట్లోనే ఉండే 'చియా గింజలు' వేసవిలో అద్భుతమైన ఔషధంగా పనిచేస్తాయని ఆరోగ్య నిపుణులు చెబుతున్నారు.

కేవలం బరువు తగ్గడానికే కాదు, శరీరాన్ని చల్లబరచడంలో కూడా ఇవి ప్రధాన పాత్ర పోషిస్తాయి.

Read Also: Neredu Pandu Benefits: నేరేడు పండుతో ఇన్ని లాభాలా? అయితే ఖాళీ కడుపుతో తింటే ఈ సమస్యలు తప్పవు!

Chia Seeds: ఎలా తీసుకోవాలి?

చియా గింజలను నేరుగా తీసుకోకుండా, నీటిలో నానబెట్టి తీసుకోవడం వల్ల పూర్తి ప్రయోజనాలు అందుతాయి.

• నిమ్మరసంతో: ఒక గ్లాసు నీటిలో నానబెట్టిన చియా గింజలు, నిమ్మరసం, కొంచెం ఉప్పు లేదా పంచదార కలిపి తీసుకుంటే అలసట మాయమవుతుంది. గ్యాస్ వాటర్ (సోడా)తో కలిపి కూడా దీన్ని రిఫ్రెషింగ్ డ్రింక్‌లా మార్చుకోవచ్చు.
• పెరుగు & సలాడ్లు: నానబెట్టిన చియా గింజలను పెరుగులో గానీ, తాజా పండ్ల సలాడ్లలో గానీ కలుపుకుని తింటే రుచితో పాటు ఆరోగ్యం మీ సొంతం.

చియా గింజల ప్రయోజనాలు

1. శరీరానికి చలువ: ఇవి సహజ సిద్ధంగా శరీర ఉష్ణోగ్రతను తగ్గించి, వేసవి తాపం నుంచి ఉపశమనం కలిగిస్తాయి.
2. బరువు తగ్గడం: వీటిలో ఉండే అధిక ప్రోటీన్లు, ఫైబర్ కంటెంట్ వల్ల ఆకలి త్వరగా వేయదు, తద్వారా బరువు తగ్గడానికి తోడ్పడతాయి.
3. జీర్ణక్రియ: ఫైబర్ అధికంగా ఉండటం వల్ల గ్యాస్, ఎసిడిటీ వంటి సమస్యలు తగ్గి జీర్ణక్రియ మెరుగుపడుతుంది.