టాలీవుడ్ చందమామ ప్రియాంక జవాల్కర్ సోషల్ మీడియా వేదికగా మరోసారి తన గ్లామర్ విన్యాసాలతో కుర్రకారును మంత్రముగ్ధులను చేస్తోంది. అచ్చతెలుగు అందానికి కాస్త వెస్ట్రన్ టచ్ ఇస్తూ ఆమె షేర్ చేసిన లేటెస్ట్ ఫోటోషూట్ ఇప్పుడు నెట్టింట వైరల్ అవుతోంది.

సోషల్ మీడియాలో ఎప్పుడూ యాక్టివ్‌గా ఉండే ప్రియాంక జవాల్కర్, తాజాగా ఇన్‌స్టాగ్రామ్‌లో కొన్ని హాట్ ఫోటోలను షేర్ చేసింది. వైట్ రిబ్బెడ్ స్కూప్-నెక్ టాప్‌లో మెరిసిపోతున్న ఆమె, తన కళ్లతోనే మాయ చేస్తూ ఫోజులిచ్చింది. ఈ ఫోటోలకు “నేను చాలా మంచి అమ్మాయిని” (I am such a good girl) అంటూ ఆమె ఇచ్చిన క్యాప్షన్ ఇప్పుడు ఫ్యాన్స్‌లో ఆసక్తికర చర్చకు దారితీసింది. ఫ్యాషన్ డిజైనింగ్‌లో ప్రవేశం ఉన్న నటి కావడంతో, ఆమె ఎంచుకున్న డ్రెస్సింగ్ స్టైల్ చాలా ట్రెండీగా, ఆమె సోయగాన్ని మరింత రెట్టింపు చేసేలా ఉంది. నిమిషాల్లోనే ఈ పోస్ట్ కు వేలల్లో లైకులు, కామెంట్లు రావడంతో ప్రియాంక క్రేజ్ మరోసారి నిరూపితమైంది.

Read Also : కిల్లింగ్ లుక్స్‌తో కృతి శెట్టి మెరుపులు.. లేటెస్ట్ ఫోటోషూట్ వైరల్

అనంతపురం నుంచి టాలీవుడ్ వరకు.. సక్సెస్ జర్నీ

అనంతపురం జిల్లాకు చెందిన ఈ తెలుగు అమ్మాయి, షార్ట్ ఫిలిమ్స్ నుంచి సిల్వర్ స్క్రీన్ వరకు తన ప్రయాణాన్ని ఎంతో పట్టుదలతో సాగించింది. 2018లో విజయ్ దేవరకొండ సరసన నటించిన ‘టాక్సీవాలా’ సినిమా ప్రియాంకకు భారీ గుర్తింపును తెచ్చిపెట్టింది. ఆ తర్వాత ‘ఎస్.ఆర్. కళ్యాణమండపం’, ‘తిమ్మరుసు’ వంటి హిట్ చిత్రాలతో టాలీవుడ్ లో తనకంటూ ఒక స్థానాన్ని పదిలం చేసుకుంది. కేవలం గ్లామర్ పాత్రలకే పరిమితం కాకుండా, ‘గమనం’ వంటి చిత్రాల్లో అద్భుతమైన నటనను కనబరిచి ఫిలింఫేర్ నామినేషన్ కూడా అందుకుంది. ఇటీవల ‘టిల్లు స్క్వేర్’ చిత్రంలో అతిథి పాత్రలో మెరిసి తన గ్లామర్ తో ప్రేక్షకులను సర్ప్రైజ్ చేసింది.