స్వీయ దర్శకత్వంలో తెరకెక్కిస్తున్న తాజా చిత్రం 'కల్ట్‌' ఇప్పటికే సోషల్ మీడియాలో హాట్ టాపిక్‌గా మారింది. 'ఫలక్‌నుమా దాస్', 'దాస్ కా దమ్కీ' తర్వాత విశ్వక్ స్వయంగా డైరెక్ట్ చేస్తున్న మూడో సినిమా ఇది కావడం విశేషం. ఇటీవల 'ఫంకీ' సినిమాతో ప్రేక్షకులను అలరించిన ఆయన.. ఇప్పుడు మరింత బోల్డ్ కంటెంట్‌తో 'కల్ట్‌'ను విడుదలకు సిద్ధం చేస్తున్నారు. ప్రమోషన్స్ లో భాగంగా తాజాగా టీజర్ ను లాంచ్ చేశారు.

Actor Sivaji: ఆ వ్యాఖ్యలు చేసినందుకు 3 రోజులు నిద్రపోలేదు

రవి బస్రూర్ ఈ చిత్రానికి సంగీతం అందిస్తున్నారు

అత్యంత హింసాత్మకమైన, ఉత్కంఠభరితమైన విజువల్స్‌తో ఈ టీజర్ ప్రస్తుతం సోషల్ మీడియాలో తీవ్ర చర్చనీయాంశంగా మారింది.టీజర్ చూస్తే, గోవాలో స్నేహితులంతా కలిసి జరుపుకొనే ఓ పార్టీ, ప్రాణాలతో చెలగాటమాడే భయంకరమైన గేమ్‌గా మారుతుంది. ఈ గేమ్‌లో ఓడిన వారిని అతి కిరాతకంగా చంపేస్తుంటారు. ఈ డెడ్లీ గేమ్‌ను నడిపించే 'గేమ్ మాస్టర్' పాత్రలో విశ్వక్‌సేన్ కనిపించారు. తలలు నరకడం వంటి రక్తపాతంతో కూడిన షాట్స్ సినిమా ఏ స్థాయిలో ఉండబోతోందో తెలియజేస్తున్నాయి.