ఒకటో వార్డు హనుమంతపూర్ కాలనీకి ప్రాతినిధ్యం వహిస్తున్న దళిత కౌన్సిలర్‌ను జాతీయ జెండా ఎగురవేయకుండా మాజీ మున్సిపల్ చైర్మన్ అవమానపరిచిన ఘటన స్థానికంగా తీవ్ర కలకలం రేపింది. భారతదేశానికి స్వాతంత్ర్యం వచ్చి 80 సంవత్సరాలు పూర్తవుతున్నప్పటికీ, దళిత ప్రజాప్రతినిధులకు సంపూర్ణ స్వేచ్ఛ, రాజకీయ సమానత్వ హక్కులు ఇంకా దక్కలేదనడానికి ఈ ఘటనే నిదర్శనమని స్థానికులు ఆవేదన వ్యక్తం చేస్తున్నారు.

ప్రజాస్వామ్యబద్ధంగా గెలిచినా దక్కని గౌరవం

దేశవ్యాప్తంగా ప్రతి వీధి, వాడలలో త్రివర్ణ పతాకాన్ని సగర్వంగా ఎగురవేస్తుండగా, ప్రజాస్వామ్య పద్ధతిలో ప్రజల ఓట్లతో గెలుపొందిన కౌన్సిలర్‌కు జెండా ఎగురవేసే అర్హత లేదంటూ బీఆర్ఎస్ మున్సిపల్ మాజీ చైర్మన్ తీవ్రంగా అవమానించారు. గతంలో బీఆర్ఎస్ ప్రభుత్వ హయాంలో హనుమంతపూర్ వార్డులో జాతీయ జెండా గద్దెను తానే నిర్మించానని, పక్కనే ఉన్న డాక్టర్ బీఆర్ అంబేద్కర్ విగ్రహాన్ని తానే ప్రతిష్టించానని, అందువల్ల ఇక్కడ జెండా ఎగురవేసే హక్కు తనకే ఉందని మాజీ మున్సిపల్ చైర్మన్ వాదించారు.

మాజీ చైర్మన్ తీవ్ర వాగ్వివాదం - సోషల్ మీడియాలో వీడియో వైరల్

ఈ క్రమంలో ప్రస్తుత స్థానిక దళిత కౌన్సిలర్ మీమికే నర్సమ్మ, ఆమె కుమారులతో మాజీ మున్సిపల్ చైర్మన్ అశోక్ గౌడ్ తీవ్ర వాగ్వివాదానికి దిగారు. జెండా ఎగురవేయకుండా అడ్డుకుంటూ వారిని అవమానించిన తతంగం అంతా అక్కడున్న కొందరు వీడియో తీయడంతో, అది సోషల్ మీడియాలో తీవ్రంగా వైరల్‌గా మారింది. ఒక దళిత ప్రజాప్రతినిధి పట్ల ఇలా ప్రవర్తించడంపై నెటిజన్లు, స్థానికులు తీవ్ర ఆగ్రహం వ్యక్తం చేశారు.

Narsapur Dalit Councillor: రంగంలోకి దిగిన కాలనీ పెద్దలు

ఇరువర్గాల మధ్య వాగ్వివాదం తీవ్రరూపం దాల్చడంతో చివరకు కాలనీ పెద్దలు జోక్యం చేసుకున్నారు. పరిస్థితిని అదుపులోకి తెచ్చేందుకు కౌన్సిలర్ మీమికే నర్సమ్మ, మాజీ మున్సిపల్ చైర్మన్ అశోక్ గౌడ్ ఇద్దరినీ పక్కకు పెట్టి, కాలనీ పెద్దలే స్వయంగా జాతీయ జెండా ఆవిష్కరణ కార్యక్రమాన్ని పూర్తి చేశారు

హెచ్‌ఎం చేతిలో జెండాకు అవమానం