2012లో అంతర్జాతీయ క్రికెట్‌కు వీడ్కోలు పలికిన వాస్, తన అద్భుతమైన కెరీర్‌లో శ్రీలంక తరఫున అన్ని ఫార్మాట్లలో కలిపి 439 అంతర్జాతీయ మ్యాచ్‌లు ఆడాడు.

బలంగా మారిన ఢిల్లీ పేస్ దళం

ఢిల్లీ క్యాపిటల్స్ జట్టులో ఫాస్ట్ బౌలింగ్ కోచ్‌గా బాధ్యతలు చేపట్టనున్న చమిందా వాస్.. ముఖ్యంగా మిచెల్ స్టార్క్, లుంగి ఎన్గిడి, ముకేష్ కుమార్, ఔకిబ్ నబీ, దుష్మంత చమీర వంటి పేసర్లతో కలిసి పనిచేయనున్నారు. లెవల్ 3 సర్టిఫైడ్ క్రికెట్ కోచ్ అయిన వాస్.. లెఫ్ట్ ఆర్మ్ సీమ్/స్వింగ్ మెకానిక్స్, టాక్టికల్ బౌలింగ్, హై-పెర్ఫార్మన్స్ శిక్షణలో ప్రత్యేక స్కిల్స్‌ కలిగి ఉన్నారు. ఈ నియామకంతో సౌరవ్ గంగూలీ, యువరాజ్ సింగ్ వంటి దిగ్గజాలున్న ఢిల్లీ క్యాపిటల్స్ కోచింగ్ సెటప్ మరింత అనుభవజ్ఞులైన జట్టుగా మారింది.

చమిందా వాస్ అద్భుతమైన క్రికెట్ రికార్డులు

చమిందా వాస్ తన సుదీర్ఘ కెరీర్‌లో బ్యాటర్లకు సింహస్వప్నంగా నిలిచారు. భారత లెజెండ్లు సచిన్ టెండూల్కర్‌ను 12 సార్లు, వీరేంద్ర సెహ్వాగ్‌ను 6 సార్లు ఔట్ చేసిన రికార్డు ఆయన సొంతం. టెస్టుల్లో 355 వికెట్లు, వన్డేల్లో 400 వికెట్లు సాధించారు. ఐపీఎల్‌లోనూ ఆడిన అనుభవం అతడికి ఉంది. 2007 నుంచి 2010 వరకు డెక్కన్ చార్జర్స్ జట్టు తరఫున ఆడి 13 ఇన్నింగ్స్‌ల్లో 18 వికెట్లు పడగొట్టారు.

కోచింగ్‌లో విస్తృత అనుభవం

చమిందా వాస్‌కు కోచింగ్‌లోనూ అపారమైన అనుభవం ఉంది. శ్రీలంక క్రికెట్ బోర్డులో హై-పెర్ఫార్మన్స్ సెంటర్‌లో భాగంగా 2016 నుండి 2021 వరకు కన్సల్టెంట్ కోచ్‌గా, అకాడమీ లీడ్‌గా సేవలందించారు. 2012 అక్టోబర్ – నవంబర్ మధ్య న్యూజిలాండ్ క్రికెట్ జట్టుకు ఫాస్ట్ బౌలింగ్ కోచ్‌గా పనిచేశారు. 2016లో ఐర్లాండ్ జట్టుకు బౌలింగ్ కన్సల్టెంట్‌గా వ్యవహరించారు. 2017లో శ్రీలంక పురుషుల జాతీయ జట్టుకు హెడ్ బౌలింగ్ కోచ్‌గా, 2021లో వెస్టిండీస్ పర్యటన కోసం లీడ్ ఫాస్ట్ బౌలింగ్ కోచ్‌గా నియమితులయ్యారు. అలాగే జాఫ్నా స్టాలియన్స్ క్రికెట్ అకాడమీకి హెడ్ కోచ్‌గా ఉంటూ కొలంబో, జాఫ్నాలలో యువ ప్రతిభను గుర్తించి శిక్షణనిచ్చారు.

Epaper: epaper.vaartha.com

అనిరుధ్‌తో కావ్యా మారన్ పెళ్లి ఫిక్స్‌