Sanjay Manjrekar Comments: ఐపీఎల్ 2026 సీజన్‌లో మహేంద్ర సింగ్ ధోనీ (MS Dhoni) రిటైర్మెంట్ అంశం మరియు చెన్నై సూపర్ కింగ్స్ (CSK) ప్రదర్శనపై టీమిండియా మాజీ క్రికెటర్, ప్రముఖ విశ్లేషకుడు సంజయ్ మంజ్రేకర్ తీవ్ర అసహనం వ్యక్తం చేశాడు.

ప్రతి సంవత్సరం ధోనీ ఐపీఎల్ ఆడతాడా లేదా అనే విషయంపై మాట్లాడటం తనకు విసుగు తెప్పించిందని, ఈ విషయంలో సీఎస్‌కే మేనేజ్‌మెంట్ పూర్తిగా తప్పుడు నిర్ణయాలు తీసుకుంటూ వ్యవహారాన్ని వరస్ట్‌గా హ్యాండిల్ చేస్తోందని విమర్శించాడు.

Read Also :Whistle Podu : ఇషాన్ కిషన్ పై CSK ఫ్యాన్స్ ఫైర్

'ధోనీ ఒకప్పటి ఆటతీరుకు కేవలం నీడ మాత్రమే'

ప్రస్తుత ఐపీఎల్‌లో ధోనీ పిక్క కండరాల గాయం (Muscle Injury) కారణంగా ఇప్పటివరకు ఒక్క మ్యాచ్ కూడా ఆడలేదు. సన్‌రైజర్స్ హైదరాబాద్‌తో జరిగిన హోమ్ మ్యాచ్‌లో సైతం ధోనీ బెంచ్‌కే పరిమితమయ్యాడు. దీనిపై మంజ్రేకర్ స్పందిస్తూ నిజాన్ని కుండబద్దలు కొట్టాడు:

• ఆసక్తి పోయింది: ధోనీ భవిష్యత్తు గురించి చర్చించే ఇంట్రెస్ట్ తనకు పోయిందని, అతను ఆడతాడా లేదా అనేది ఇప్పుడు అనవసరమని అన్నాడు.
• పాత ఆటగాడు: నిజం చెప్పాలంటే ప్రస్తుత ధోనీ.. ఒకప్పటి అతని అద్భుతమైన ఆటతీరుకు కేవలం ఒక నీడ లాంటివాడు మాత్రమేనని, అతను వయసు పైబడిన ఆటగాడని వ్యాఖ్యానించాడు.
• క్రికెట్‌కు దూరం: ఐపీఎల్ మినహా ధోనీ మరే ఇతర ఫార్మాట్ క్రికెట్ ఆడటం లేదనే విషయాన్ని గుర్తుచేశాడు.

ఎమోషన్స్ బంద్ చేయండి.. చెన్నై టీమ్‌కు కఠిన సలహా

ధోనీ లాంటి ఐకాన్ ప్లేయర్ చుట్టూ కథలు అల్లడం మానేసి, ప్రాక్టికల్‌గా ఆలోచించాలని సీఎస్‌కే యాజమాన్యానికి మంజ్రేకర్ కఠినమైన సలహా ఇచ్చాడు.

“సీఎస్‌కే మేనేజ్‌మెంట్ ఈ సీజన్‌తో ఒక పెద్ద పాఠం నేర్చుకోవాలి. ఆటగాళ్లపై అతిగా ఎమోషన్స్ చూపించడం బంద్ చేయాలి. కేవలం పాయింట్ల పట్టిక, ప్రస్తుత ఆటతీరు, జట్టు గెలుపు గుర్రాలపైనే దృష్టి పెట్టాలి. ధోనీని బలవంతంగా టీమ్‌లో ఇరికించాలని చూస్తే ఎలా? గత రెండు సీజన్లుగా అతను కేవలం చివరి ఓవర్లలో బ్యాటింగ్‌కు వస్తున్నాడు. అది అతని వ్యక్తిగత ప్రతిభకు నిదర్శనమే కావచ్చు, కానీ జట్టు మ్యాచ్‌లు గెలవడానికి అది సరైన పద్ధతి కాదు.” – సంజయ్ మంజ్రేకర్

Sanjay Manjrekar Comments: ప్రైమ్ టైమ్ ధోనీ ఉంటే.. ఈపాటికి ప్లేఆఫ్స్ చేరేది'

భారత క్రికెట్‌కు, అలాగే సీఎస్‌కే ఫ్రాంచైజీకి ధోనీ చేసిన సేవలను తాను ఎప్పటికీ గౌరవిస్తానని, తన ఆల్‌టైమ్ ఫేవరెట్ కెప్టెన్లలో ధోనీ ఒకడని మంజ్రేకర్ స్పష్టం చేశాడు. అయితే ప్రస్తుత పరిస్థితులు వేరని గుర్తు చేస్తూ.. “ఒకవేళ ఇదే చెన్నై సూపర్ కింగ్స్ జట్టును తన ప్రైమ్ టైమ్‎లో (పూర్తి ఫామ్‌లో) ఉన్న ఎంఎస్ ధోనీ గనుక నడిపించి ఉంటే.. ఈ పాటికి సీఎస్‌కే దర్జాగా ప్లేఆఫ్స్ బెర్త్ ఖాయం చేసుకునేది. కానీ ప్రస్తుత మేనేజ్‌మెంట్ ధోనీ సెంటిమెంట్‌ను సరిగ్గా హ్యాండిల్ చేయలేక మొత్తం టీమ్‌ను గందరగోళంలో పడేసింది” అని సంచలన వ్యాఖ్యలు చేశాడు. హైదరాబాద్ చేతిలో ఓటమితో చెన్నై ప్లేఆఫ్స్ అవకాశాలు ఇప్పుడు ఇతరుల ఫలితాలపై ఆధారపడేలా మారాయని గుర్తు చేశాడు.