అయితే, సరైన పబ్లిసిటీ లేకపోవడం వల్ల బాక్సాఫీస్ వద్ద ఈ చిత్రం పెద్దగా ఆదరణ పొందలేకపోయింది. థియేట్రికల్ రన్ ముగిసిన తర్వాత ఈ సినిమా ఇప్పుడు ప్రముఖ ఓటీటీ ప్లాట్‌ఫామ్ ‘జీ 5’ (Zee5) లోకి వచ్చేసింది. మే 27వ తేదీ నుంచి ఈ చిత్రం ఓటీటీలో స్ట్రీమింగ్ అవుతోంది.

Read Also: Vignesh Shivan LIK Movie:నెగెటివ్ రివ్యూల వల్లే నా సినిమాను మిస్ అయ్యారు

‘Drinker Sai’ Movie Review!

Drinker Sai movie: కథ

సాయి (ధర్మ మహేశ్) ఒక ధనిక కుటుంబానికి చెందిన అబ్బాయి. అయితే, చిన్నతనంలోనే తల్లిదండ్రులను కోల్పోయి ఒంటరివాడైన సాయి.. క్రమంగా మద్యానికి, సిగరెట్లకు బానిస అవుతాడు. దీంతో ఊళ్లో వాళ్లంతా అతన్ని ‘డ్రింకర్ సాయి’ అని పిలుస్తుంటారు. స్నేహితులతో కలిసి తిరుగుతూ, గొడవలు పడుతూ కాలం వెళ్లదీస్తుంటాడు.

ఇలాంటి పరిస్థితుల్లో అతనికి ప్రకృతి వైద్యం (నేచురోపతి) ఫైనల్ ఇయర్ చదువుతున్న భాగీ (ఐశ్వర్య) పరిచయమవుతుంది. చెడు అలవాట్లంటే అసహ్యించుకునే భాగీని చూసి సాయి మనసు పారేసుకుంటాడు. తనను ప్రేమించాలంటూ ఆమె వెంటపడతాడు. సాయి వేధింపులు తట్టుకోలేక భాగీ మొదట అబద్ధం చెప్పినా, ఆ తర్వాత తనపై ఎలాంటి ప్రేమ లేదని తేల్చి చెప్తుంది. మరి ఆ తర్వాత మద్యానికి బానిసైన సాయి ఏం చేశాడు? భాగీ ప్రేమను దక్కించుకున్నాడా? లేదా? అనేదే మిగతా కథ.

నటీనటుల ప్రతిభ

హీరోగా ధర్మ మహేశ్, హీరోయిన్‌గా ఐశ్వర్య తమ పాత్రల్లో చక్కగా ఒదిగిపోయారు. సినిమా క్లైమాక్స్ వైపు వెళ్లేకొద్దీ వచ్చే కనువిప్పు కలిగించే సన్నివేశాలు ఆకట్టుకుంటాయి. “వ్యసనాలు ఉన్నవాళ్లంతా చెడ్డవాళ్లు కాదు, మంచిగా కనిపించే వాళ్లంతా మంచివాళ్లు కాదు” అనే సందేశం బాగుంది. శ్రీ వసంత్ అందించిన సంగీతంలో ‘అర్థం చేసుకోవెందుకే..’ అనే పాట సాహిత్యం, ట్యూన్ పరంగా చాలా బాగుంది. అంకిరెడ్డి ప్రశాంత్ ఫోటోగ్రఫీ, మార్తాండ్ కె. వెంకటేశ్ ఎడిటింగ్ వర్క్ నీట్‌గా ఉన్నాయి.

కథనం

సినిమా మొదలైనప్పటి నుంచి మూడొంతుల భాగం హీరో వెంటపడటం, హీరోయిన్ తిట్టడం చుట్టూనే తిరుగుతుంది. ఇది ప్రేక్షకుడికి కొంచెం అసహనాన్ని కలిగిస్తుంది. కథ ముగింపులో వచ్చే ట్విస్ట్ పాత సినిమాలను గుర్తుకు తెస్తుంది. రొటీన్ ట్రాక్‌లోకి వెళ్లినట్లు అనిపిస్తుంది. హీరోయిన్ ప్రకృతి వైద్యం, యోగాకు ఇచ్చే ప్రాధాన్యతను చూపించే క్రమంలో ‘వంతెన సుబ్బారావు’ అనే పాత్రను డిజైన్ చేశారు. అయితే, ఈ ట్రాక్ కథను పక్కదారి పట్టించడమే కాకుండా, కామెడీ పరంగా కూడా పెద్దగా నవ్వించలేకపోయింది.

విశ్లేషణ

‘డ్రింకర్ సాయి’ సినిమా అంతటా హీరో చేతిలో మందు బాటిల్, సిగరెట్‌తోనే కనిపిస్తాడు. అయితే, సినిమా ముగింపులో ఇచ్చిన మెసేజ్ మాత్రం ఆకట్టుకుంటుంది. “వ్యసనాలు వదిలేస్తేనే అందమైన జీవితాన్ని అందుకునే అవకాశం ఉంటుంది” అనే సందేశంతో దర్శకుడు సినిమాను ముగించాడు. అక్కడక్కడా కథనం నెమ్మదించినా, ఓటీటీలో ఒకసారి చూసి సర్దుకుపోవడానికి ఈ చిత్రం ఓకే అనిపిస్తుంది.

Epaper: epaper.vaartha.com

ప్రముఖ దిగ్గజ గాయని సుమన్ కళ్యాణ్‌పూర్ కన్నుమూత!