ఉత్సవాలు ముగిసినప్పటికీ ఆలయంలో భక్తుల రద్దీ కొనసాగుతోందని, మరో రెండు రోజుల పాటు రద్దీ ఉండే అవకాశం ఉందని తెలిపారు.

Sabarimala room booking: శబరిమల గదుల బుకింగ్‌లో ఓటీపీ నిబంధన

12 రోజుల్లో 39.84 లక్షల లడ్డూల విక్రయం

దసరా ఉత్సవాల సందర్భంగా అమ్మవారి లడ్డూ ప్రసాదానికి భారీ డిమాండ్‌ ఏర్పడింది. మొత్తం 39.84 లక్షల లడ్డూ ప్రసాదాలను విక్రయించినట్లు ఆలయ అధికారులు తెలిపారు. అలాగే ఈ నెల 22వ తేదీ వరకు భక్తులకు 8,37,385 ఆహార ప్యాకెట్లను పంపిణీ చేసినట్లు ఈవో వివరించారు. భక్తులకు దర్శనం, అన్నప్రసాదం, లడ్డూ ప్రసాదాలను అందించేందుకు దేవస్థానం, పోలీసు, రెవెన్యూ, మున్సిపల్‌ కార్పొరేషన్‌, దేవాదాయ శాఖ అధికారులు సమన్వయంతో పనిచేశారని తెలిపారు.

12వ రోజు రూ.41.66 లక్షల ఆదాయం

దసరా ఉత్సవాల్లో 12వ రోజు ఆలయానికి రూ.41.66 లక్షల ఆదాయం సమకూరినట్లు ఈవో శీనానాయక్‌ వెల్లడించారు. ఇందులో వివిధ లడ్డూ ప్రసాదాల విక్రయాలు, ఇతర సేవల ద్వారా ఆదాయం లభించింది.

ఆదాయ వివరాలు ఇలా ఉన్నాయి:

• ఆరు లడ్డూల బాక్సుల విక్రయం: రూ.17.40 లక్షలు
• మూడు లడ్డూల ప్యాకెట్ల విక్రయం: రూ.18.62 లక్షలు
• సింగిల్‌ లడ్డూ విక్రయం: రూ.24,855
• శ్రీచక్ర లడ్డూ విక్రయాలు: రూ.4,900
• క్యాలెండర్లు, ఫొటోలు, ప్రచురణలు: రూ.6,600
• కేశఖండన టికెట్లు: రూ.5,27,500

భక్తుల కోసం లడ్డూ ఏటీఎం ఏర్పాటు

ఈసారి దసరా ఉత్సవాల్లో భక్తులకు లడ్డూ ప్రసాదాలను త్వరగా అందించేందుకు ఆలయ అధికారులు వినూత్నంగా లడ్డూ ఏటీఎంను అందుబాటులోకి తీసుకొచ్చారు. మెషిన్‌పై ఉన్న క్యూఆర్‌ కోడ్‌ను స్కాన్‌ చేసి ఫోన్‌పే ద్వారా చెల్లింపు చేస్తే ఆరు లడ్డూల బాక్స్‌ అందించేలా ఈ సదుపాయాన్ని ఏర్పాటు చేశారు. అయితే, ఉత్సవాలు ముగిసిన తర్వాత ఆలయ ప్రాంగణంలోని లడ్డూ ఏటీఎంతో పాటు విజయవాడ రైల్వే స్టేషన్‌, ఆర్టీసీ బస్‌స్టాండ్‌లో ఏర్పాటు చేసిన లడ్డూ ప్రసాద కౌంటర్లు మూసివేసినట్లు సమాచారం. ఈ కౌంటర్లు తిరిగి ఎప్పుడు అందుబాటులోకి వస్తాయనే విషయంపై స్పష్టత రావాల్సి ఉంది.

Kanaka Durga Temple: విజయవాడ ఉత్సవ్‌ 2.0 కూడా ఘనంగా

దసరా శరన్నవరాత్రి ఉత్సవాలతో పాటు విజయవాడ ఉత్సవ్‌ 2.0 కార్యక్రమాన్ని కూడా నిర్వహించారు. ఈ వేడుకలకు వివిధ రంగాలకు చెందిన ప్రముఖులు హాజరయ్యారు. మొత్తంగా ఈ ఏడాది కనకదుర్గమ్మ దర్శనాలు, లడ్డూ ప్రసాదాల విక్రయాలు, భక్తులకు అందించిన అన్నప్రసాదం ఉత్సవాల్లో ప్రధాన ఆకర్షణలుగా నిలిచాయి.

Epaper: epaper.vaartha.com

2026 దీపావళి పండుగ తేదీ ఇదే