Ebola Virus Africa: ఆఫ్రికా దేశాలైన కాంగో, ఉగాండా, దక్షిణ సూడాన్‌లలో ప్రాణాంతకమైన ఎబోలా వైరస్ (Ebola Virus) వేగంగా వ్యాపిస్తుండటంతో కేంద్ర ప్రభుత్వం తీవ్రంగా స్పందించింది.

వైరస్ విస్తరిస్తున్న నేపథ్యంలో భారతీయ పౌరుల భద్రతను దృష్టిలో ఉంచుకుని కేంద్ర ఆరోగ్య మంత్రిత్వ శాఖ కీలకమైన ట్రావెల్ అడ్వైజరీ (Travel Advisory) జారీ చేసింది. అత్యవసరమైతే తప్ప భారతీయులు ఎవ్వరూ కూడా ప్రస్తుతం ఈ మూడు ఆఫ్రికా దేశాలకు ప్రయాణాలు చేయవద్దని కేంద్రం గట్టిగా సూచించింది. అదే సమయంలో ఇప్పటికే ఆయా దేశాలలో నివసిస్తున్న లేదా ఉద్యోగాలు చేస్తున్న భారతీయ పౌరులు వైరస్ బారిన పడకుండా అత్యంత అప్రమత్తంగా ఉంటూ, తగిన జాగ్రత్తలు తీసుకోవాలని ఆదేశించింది.

ఆఫ్రికా దేశాలైన కాంగో, ఉగాండా, దక్షిణ సూడాన్‌లలో ఎబోలా వైరస్ వేగంగా వ్యాపిస్తోంది

Travel Advisory India Africa

Ebola Virus Africa: ప్రస్తుతం ఆఫ్రికాలో ఎబోలా వ్యాప్తికి ప్రధాన కేంద్రంగా మారిన డెమొక్రాటిక్ రిపబ్లిక్ ఆఫ్ కాంగోలో (DRC) పరిస్థితి అత్యంత ఆందోళనకరంగా ఉంది. అక్కడ ఇప్పటివరకు దాదాపు 750 కి పైగా అధికారిక ఎబోలా కేసులు నమోదు కాగా, ఈ ప్రాణాంతక వైరస్ కారణంగా 177 నుండి 204 మంది వరకు మరణించినట్లు అంతర్జాతీయ ఆరోగ్య నివేదికలు స్పష్టం చేస్తున్నాయి. కాంగో సరిహద్దుల గుండా పొరుగు దేశాలైన ఉగాండా, దక్షిణ సూడాన్‌లకు కూడా ఈ వ్యాధి వేగంగా పాకుతుండటంతో ప్రపంచ ఆరోగ్య సంస్థ (WHO) సైతం ఆందోళన వ్యక్తం చేస్తోంది.