25,000 చొప్పున ప్రభుత్వం సహాయం అందిస్తోంది. ఇటీవల బాపట్ల జిల్లా చీరాలలో నిర్వహించిన కార్యక్రమంలో ముఖ్యమంత్రి నారా చంద్రబాబు నాయుడు నేతన్నల బ్యాంక్ ఖాతాల్లోకి నేరుగా డబ్బులను జమ చేశారు. అయితే సాంకేతిక కారణాలు, ఇతర సమస్యల వల్ల కొంతమంది అర్హులకు ఈ సొమ్ము అందలేదు. ఈ విషయంపై ప్రభుత్వం తక్షణమే స్పందించి, మిగిలిన అర్హులందరికీ త్వరలోనే డబ్బులు జమ చేస్తామని స్పష్టం చేసింది.

సాంకేతిక లోపాల వల్ల డబ్బులు జమకాని నేతన్నల వివరాలను గుర్తించి, సమస్యలను వెంటనే పరిష్కరించాలని అధికారులను ఆదేశించినట్లు చేనేత, జౌళిశాఖ మంత్రి సవిత వెల్లడించారు. ఈ నెల 20వ తేదీ నాటికి అర్హులైన నేతన్నలందరి ఖాతాల్లో రూ. 25,000 జమ పూర్తి చేస్తామని ఆమె ప్రకటించారు. అంతేకాకుండా, కొత్తగా దరఖాస్తు చేసుకున్న వారికి కూడా పరిశీలన పూర్తయిన వెంటనే 20వ తేదీలోగా ఆర్థిక సాయం అందిస్తామని తెలిపారు. అర్హులెవరూ ఆందోళన చెందాల్సిన అవసరం లేదని, ఎలాంటి తప్పుడు ప్రచారాలను నమ్మవద్దని మంత్రి సూచించారు.

Read Also : MLA and MLC Quarters : ఏపీలో అత్యాధునిక హంగులతో MLA, MLC క్వార్టర్లు

Rs. 25,000 to be deposited into weavers’ accounts by the 20th of this month.

Netanna Sevalo Scheme: నేతన్న సేవలో పథకానికి అర్హతలు, నిబంధనలు

ఈ పథకం కింద ఆర్థిక సాయం పొందాలనుకునే వారు కొన్ని నిర్దిష్ట అర్హతలను కలిగి ఉండాలి. దరఖాస్తుదారుడు తప్పనిసరిగా ఆంధ్రప్రదేశ్‌కు చెందిన శాశ్వత నివాసి అయి ఉండాలి. అలాగే, సొంతంగా చేనేత మగ్గం కలిగి ఉండి, పూర్తిగా చేనేత వృత్తిపైనే ఆధారపడి జీవనం సాగిస్తూ ఉండాలి. గుర్తింపు పొందిన చేనేత సంఘం లేదా సొసైటీలో సభ్యత్వం కలిగి ఉండటం కూడా తప్పనిసరి. అదనంగా, ఈ ఆర్థిక సాయం ఒక కుటుంబంలో ఒక్కరికి మాత్రమే వర్తిస్తుంది. దీంతో అర్హులైన ఎక్కువ మంది చేనేత కార్మికులకు ఈ పథకం ప్రయోజనం అందేలా ప్రభుత్వం నిబంధనలు రూపొందించింది.

దరఖాస్తుకు అవసరమైన పత్రాలు

నేతన్న సేవలో పథకానికి దరఖాస్తు చేసుకునేందుకు ఆధార్ కార్డ్, చేనేత మగ్గం గుర్తింపు కార్డు లేదా సొసైటీ రిజిస్ట్రేషన్ కాపీ, బ్యాంక్ పాస్‌బుక్ మొదటి పేజీ జిరాక్స్, ఆదాయ పరిమితి ధృవీకరణ పత్రం (ఇన్‌కమ్ సర్టిఫికేట్), రేషన్ కార్డ్ వంటి పత్రాలు సమర్పించాల్సి ఉంటుంది. అందిన దరఖాస్తులను సంబంధిత అధికారులు క్షేత్రస్థాయిలో పరిశీలించి, అర్హులైన లబ్ధిదారుల జాబితాను తుది రూపంలో సిద్ధం చేస్తారు. అనంతరం ఎంపికైన వారికి ప్రభుత్వం నిర్ణయించిన విధంగా ఆర్థిక సాయాన్ని నేరుగా వారి బ్యాంకు ఖాతాల్లో జమ చేస్తుంది.

ఎమ్మెల్యే, ఎమ్మెల్సీ క్వార్టర్లను పరిశీలించిన సీఎం చంద్రబాబు..!