ఈ సినిమా విడుదల తేదీకి సంబంధించి తాజాగా అధికారిక ప్రకటన వెలువడింది. ఈ చిత్రాన్ని 2027 మార్చి 5న ప్రపంచవ్యాప్తంగా భారీ ఎత్తున థియేటర్లలో విడుదల చేయనున్నట్లు నిర్మాతలు వెల్లడించారు. ఈ చిత్రంలో దేవిశ్రీ ప్రసాద్ ‘పర్షి’ అనే వైవిధ్యమైన పాత్రలో కనిపించనుండగా, ఆయన సరసన అనంతిక కథానాయికగా నటిస్తున్నట్లు తెలుస్తోంది. ‘బలగం’ విజయం తర్వాత వేణు దర్శకత్వం వహిస్తున్న చిత్రం కావడం, అలాగే దేవిశ్రీ ప్రసాద్ నటుడిగా ఎంట్రీ ఇస్తుండటంతో ఈ సినిమాపై టాలీవుడ్‌తో పాటు ప్రేక్షక వర్గాల్లోనూ అపారమైన అంచనాలు నెలకొన్నాయి.

‘స్పిరిట్’ వాయిదాతో మారిన సమీకరణాలు

వాస్తవానికి 2027 మార్చి 5వ తేదీన రెబల్ స్టార్ ప్రభాస్ – డైరెక్టర్ సందీప్ రెడ్డి వంగా కాంబినేషన్‌లో వస్తున్న పాన్-ఇండియా చిత్రం 'స్పిరిట్' విడుదల కావాల్సి ఉంది. అయితే అనివార్య కారణాల వల్ల ‘స్పిరిట్’ సినిమా ఆ తేదీకి రాకుండా వాయిదా పడింది. దాంతో ఖాళీ అయిన ఈ క్రేజీ సోలో రిలీజ్ డేట్‌ను ‘ఎల్లమ్మ’ చిత్రబృందం సరైన సమయంలో సొంతం చేసుకుంది. ఒక పెద్ద సినిమా వాయిదా పడటం వల్ల లభించిన ఈ అవకాశాన్ని ఉపయోగించుకుని, గ్రాండ్ స్థాయిలో థియేట్రికల్ రిలీజ్ ప్లాన్ చేస్తున్నారు. గ్రామీణ నేపథ్యం, భావోద్వేగాలతో కూడిన కథాంశంతో రూపుదిద్దుకుంటున్న ఈ చిత్రం బాక్సాఫీస్ వద్ద మంచి విజయాన్ని సాధిస్తుందని మేకర్స్ ధీమా వ్యక్తం చేస్తున్నారు.

నా డ్రీమ్ ను నిజం చేసిన ప్లేస్ హైదరాబాద్ - రకుల్