వానాకాలం సీజన్ సగం దాటినా వర్షాలు కురవకపోవడంతో సాగు పనులు పూర్తిగా నిలిచిపోయాయి. ఉమ్మడి పాలమూరు జిల్లాలో సాగు కావాల్సిన 19 లక్షల ఎకరాలకు గానూ కేవలం పావు వంతు మాత్రమే సాగు ప్రారంభమైంది. జిల్లాలోని 90 శాతం మంది సన్న, చిన్నకారు రైతులు వర్షాలపైనే ఆధారపడి ఉన్నారు. ప్రస్తుత పరిస్థితుల్లో వరి నాట్లు వేయడం దేవుడెరుగు, కనీసం నారుమళ్లకు (తుకాలకు) కూడా నీళ్లు లేక అన్నదాతలు అల్లాడిపోతున్నారు.

No Rain Telangana

No Rain Telangana : పొట్టకూటి కోసం నగరాల బాట

ఒకప్పుడు కరవు, వలసలకు నిలయమైన పాలమూరులో వ్యవసాయ పనులు లేకపోవడంతో కూలీలు మళ్లీ పొట్టకూటి కోసం నగరాల బాట పట్టాల్సిన దుస్థితి ఏర్పడింది. వరినాట్ల ద్వారా రోజుకు రూ.1000 వరకు సంపాదించే మహిళా కూలీలకు ఇప్పుడు ఉపాధి కరువైంది. కొన్ని ప్రాంతాల్లో ఉపాధి హామీ పనులు నిలిచిపోవడంతో కూలీల పరిస్థితి మరింత దయనీయంగా మారింది. దీనికి తోడు కేంద్రం తెచ్చిన కొత్త నిబంధనల ప్రకారం వర్షాకాలంలో 60 రోజుల పాటు విరామం ఇవ్వాలనే నిబంధన కూలీలను మరింత ఆందోళనకు గురిచేస్తోంది. పనులు లేక కుటుంబ పోషణ భారమవడంతో, నిత్యావసరాల కోసం వడ్డీ వ్యాపారులను ఆశ్రయించాల్సి వస్తోందని, దీనివల్ల తాము అప్పుల ఊబిలో కూరుకుపోయే ప్రమాదం ఉందని రైతులు, కూలీలు ఆవేదన వ్యక్తం చేస్తున్నారు.

Epaper: epaper.vaartha.com

కొత్త పాస్ బుక్ రైతులకు అలర్ట్.. రైతు భరోసాకు 2 రోజులే ఛాన్స్!