అయితే ఈ ఆరోపణలకు సంబంధించి తమకు ఎలాంటి ఫిర్యాదు అందలేదని, ప్రాథమిక విచారణలోనూ వాటిని నిర్ధారించే ఆధారాలు లభించలేదని పోలీసులు తెలిపారు.

Read Also :IIT: ఉద్యోగ ఆఫర్లు రద్దు చేసిన 22 కంపెనీలపై ఐఐటీల చర్యలు

2 వేల మందికి పైగా విద్యార్థుల ఆందోళన

శనివారం అర్ధరాత్రి సుమారు 2 గంటల సమయంలో యువతుల హాస్టల్ సమీపంలో నిరసనలు ప్రారంభమైనట్లు సమాచారం. క్యాంపస్ భద్రత, యూనివర్సిటీ యాజమాన్యం వ్యవహరించిన తీరుపై విద్యార్థులు ఆగ్రహం వ్యక్తం చేశారు. ఈ ఆందోళనల్లో సుమారు 2,000 మంది విద్యార్థులు పాల్గొన్నట్లు అధికారులు తెలిపారు.

గేట్లు, సీసీటీవీ కెమెరాల ధ్వంసం

ఆందోళన సమయంలో కొందరు విద్యార్థులు యూనివర్సిటీ గేట్లు, కిటికీ అద్దాలు, సీసీటీవీ కెమెరాలను ధ్వంసం చేసినట్లు సమాచారం. పూల కుండీలు, ఇటుకలతో దాడులు జరగడంతో పాటు కొన్ని ప్రాంతాల్లో నిప్పు పెట్టినట్లు కూడా నివేదికలు వెలువడ్డాయి. అనంతరం విద్యార్థులు సమీపంలోని జలంధర్-ఫగ్వారా జాతీయ రహదారిని దిగ్బంధించడంతో ఆదివారం ఉదయం వరకు రాకపోకలకు అంతరాయం ఏర్పడింది.

అత్యాచారం, ఆత్మహత్యపై ఫిర్యాదు లేదు: పోలీసులు

ఈ ఘటనపై కపుర్తలా ఎస్ఎస్‌పీ గౌరవ్ తూరా స్పందించారు. అత్యాచారం లేదా ఆత్మహత్యకు సంబంధించి పోలీసులకు ఎలాంటి ఫిర్యాదు అందలేదని ఆయన స్పష్టం చేశారు. కొందరు విద్యార్థులు ఓ విద్యార్థిని అత్యాచారానికి గురైందని, మరికొందరు ఆమె ఆత్మహత్య చేసుకుందని ప్రచారం చేశారని, అయితే ప్రాథమిక విచారణలో ఈ ఆరోపణలకు మద్దతు ఇచ్చే ఆధారాలు లభించలేదని పోలీసులు తెలిపారు.

LPU Students Protest: క్యాంపస్‌కు చేరుకున్న పోలీసులు

సమాచారం అందుకున్న వెంటనే పోలీసులు యూనివర్సిటీ క్యాంపస్‌కు చేరుకున్నారు. విద్యార్థులతో చర్చలు జరిపి పరిస్థితిని అదుపులోకి తీసుకొచ్చారు. అనంతరం జాతీయ రహదారిపై నిలిచిపోయిన రాకపోకలను పునరుద్ధరించారు. ఇదిలా ఉండగా.. ఆందోళనలకు దారితీసిన సోషల్ మీడియా పోస్టులు ఎక్కడి నుంచి వచ్చాయనే అంశంపై పోలీసులు దర్యాప్తు చేస్తున్నారు. వదంతుల వ్యాప్తికి కారణమైన పోస్టుల మూలాలను గుర్తించే ప్రయత్నం చేస్తున్నట్లు అధికారులు తెలిపారు.

పిఎఫ్లో కీలక మార్పు.. ఇక ఉద్యోగుల జీతం నుంచి ఎంత కట్ అవుతుందో తెలుసా?