MLC Mirza Rahmat Baig: తెలంగాణ రాజకీయాల్లో సంచలనం సృష్టించిన వివాదాస్పద వీడియోల వ్యవహారంలో ఆల్ ఇండియా మజ్లిస్-ఇ-ఇత్తెహాదుల్ ముస్లిమీన్ (MIM) పార్టీ తీవ్ర నిర్ణయం తీసుకుంది.
పార్టీకి చెందిన ఎమ్మెల్సీ మిర్జా రహ్మత్ బేగ్ను పార్టీ నుంచి బహిష్కరిస్తూ అధిష్ఠానం కీలక ఆదేశాలు జారీ చేసింది. అంతేకాకుండా, ఆయన తక్షణమే తన ఎమ్మెల్సీ పదవికి కూడా రాజీనామా చేయాలని పార్టీ స్పష్టం చేసింది.
అత్తాపూర్ ఘటన మరియు ఓల్డ్ సిటీ జర్నలిస్టు ఆరోపణలు
హైదరాబాద్లోని అత్తాపూర్ ప్రాంతంలో మైనర్ బాలికపై అత్యాచారానికి పాల్పడుతున్న సమయంలో ఎమ్మెల్సీ మిర్జా రహ్మత్ బేగ్ స్థానికులకు పట్టుబడ్డారని ఓ పాతబస్తీకి చెందిన జర్నలిస్టు తీవ్ర ఆరోపణలు చేశారు. ఆ సమయంలో కొందరు యువకులు ఆయనను పట్టుకుని దెబ్బలు కొట్టడంతో పాటు వీడియోలు కూడా తీశారని సదరు జర్నలిస్టు పేర్కొనడం రాజకీయంగా తీవ్ర దుమారం రేపింది.
MLC Mirza Rahmat Baig: డీప్ ఫేక్ వీడియోలంటూ ఎమ్మెల్సీ పోలీసుల ఆశ్రయం
తనపై వస్తున్న ఆరోపణలు మరియు సోషల్ మీడియాలో వైరల్ అవుతున్న వీడియోలపై ఎమ్మెల్సీ మిర్జా రహ్మత్ బేగ్ స్పందించారు. అవి పూర్తిగా సృష్టించబడిన ‘డీప్ ఫేక్’ (Deepfake) వీడియోలని ఆయన కొట్టిపారేశారు. ఈ ఘటనపై పోలీసులకు అధికారికంగా ఫిర్యాదు చేసినట్లు ఆయన తెలిపారు. అయినప్పటికీ, పార్టీ పరంగా తీవ్ర విమర్శలు రావడంతో అధిష్ఠానం ఆయనపై వేటు వేసింది.