TG Politics: తెలంగాణ ఏర్పాటు అందరి ఆమోదంతోనే జరిగిందని, ఇప్పుడు రెండు రాష్ట్రాలు అభివృద్ధి పథంలో దూసుకుపోతున్నాయని మంత్రి పొన్నం ప్రభాకర్ స్పష్టం చేశారు.
ఏపీ సీఎం చంద్రబాబు నాయుడుకు రాసిన లేఖలో ఆయన కీలక అంశాలను ప్రస్తావించారు. విభజన జరిగి పదేళ్లు దాటినా, ఇంకా దానిపై అనుచిత వ్యాఖ్యలు చేయడం సరికాదని ఆయన హితవు పలికారు.
Ponnam Prabhakar letter to CM Naidu
TG Politics: పవన్ కళ్యాణ్ వ్యాఖ్యలపై అభ్యంతరం
ముఖ్యంగా ఏపీ డిప్యూటీ సీఎం పవన్ కళ్యాణ్ చేసిన వ్యాఖ్యలు తనను ఎంతో కలతకు గురిచేశాయని పొన్నం ప్రభాకర్ పేర్కొన్నారు. బీజేపీ, టీడీపీ, జనసేన నాయకులు తెలంగాణ ఏర్పాటుపై మాట్లాడుతున్న తీరు బాధ్యతారాహిత్యంగా ఉందని ఆయన విమర్శించారు. ఇలాంటి వ్యాఖ్యలు రెండు రాష్ట్రాల మధ్య సత్సంబంధాలను దెబ్బతీసే అవకాశం ఉందని లేఖలో హెచ్చరించారు.
అభివృద్ధిపై దృష్టి పెట్టాలని సూచన
గత విషయాలను తవ్వుతూ వివాదాలు సృష్టించడం కంటే, ప్రజల సంక్షేమం మరియు అభివృద్ధిపై దృష్టి పెట్టాలని ఆయన కోరారు. ఉమ్మడి సమస్యలను పరిష్కరించుకుంటూ తెలుగు రాష్ట్రాలు ముందుకు సాగాలని ఆకాంక్షించారు. బాధ్యతాయుతమైన పదవుల్లో ఉన్నవారు మాట్లాడేటప్పుడు సంయమనం పాటించాలని, ప్రాంతీయ విద్వేషాలకు తావు ఇవ్వకూడదని మంత్రి పొన్నం ప్రభాకర్ స్పష్టంగా తెలియజేశారు.
Read hindi news: hindi.vaartha.com
Epaper: epaper.vaartha.com
Read Also:
'విజిల్' గుర్తుకు ఓటు వేయండి - ఓటర్లకు దళపతి విజయ్ భావోద్వేగ విన్నపం!