IPL 2026 New Rules: ఐపీఎల్ 2026 గ్రాండ్ ఫైనల్‌కు (IPL 2026 Final) కేవలం రెండు రోజుల సమయం మాత్రమే ఉన్న తరుణంలో, భారత క్రికెట్ నియంత్రణ మండలి ( BCCI ) అత్యంత సంచలన మరియు కఠినమైన నిర్ణయం తీసుకుంది.

మ్యాచ్‌ల సమగ్రతను కాపాడేందుకు, బుకీల ప్రలోభాలు మరియు అవినీతికి అడ్డుకట్ట వేసేందుకు వీలుగా ఆటగాళ్లు, సపోర్ట్ స్టాఫ్‌పై బీసీసీఐ యాంటీ కరప్షన్ యూనిట్ (ACU) సరికొత్త నిఘా నిబంధనలను అమల్లోకి తెచ్చింది.

Read Also: GT vs RR Match Today:క్వాలిఫయర్-2 మ్యాచ్‌కు భారీ వర్షం ముప్పు.. చండీగఢ్‌లో వాతావరణ శాఖ 'రెడ్ అలర్ట్'!

స్మార్ట్ గాగుల్స్ (సన్‌గ్లాసెస్) పై నిషేధం – సర్క్యులర్ జారీ: ఐపీఎల్ ఫ్రాంచైజీలన్నింటికీ బీసీసీఐ పంపిన తాజా అధికారిక సర్క్యులర్ ప్రకారం.. ఇకపై మ్యాచ్ సమయంలో ఆటగాళ్లు గానీ, డగౌట్‌లో ఉండే సపోర్ట్ స్టాఫ్ గానీ ఎలాంటి ‘స్మార్ట్ గాగుల్స్’ (Smart Sunglasses) ధరించడానికి వీల్లేదు.

• నిషేధానికి కారణం: కొన్ని ప్రముఖ టెక్ కంపెనీలు ప్లేయర్లకు మార్కెట్ చేస్తున్న ఈ స్మార్ట్ గ్లాసెస్‌లో లైవ్ స్ట్రీమింగ్, మెసేజ్‌లు పంపడం-రిసీవ్ చేసుకోవడం, ఆడియో మరియు వీడియో కాల్స్ మాట్లాడుకునే అధునాతన కమ్యూనికేషన్ ఫీచర్లు ఉన్నట్లు బీసీసీఐ గుర్తించింది.
• మొబైల్స్‌తో పాటే డిపాజిట్: మొబైల్ డేటా లేదా వైఫై ఆధారంగా పనిచేసే ఈ స్మార్ట్ గ్లాసెస్‌ను కూడా కమ్యూనికేషన్ మరియు రికార్డింగ్ డివైజ్‌ల కిందే పరిగణిస్తారు. కాబట్టి, మ్యాచ్ రోజున మొబైల్ ఫోన్లు, స్మార్ట్ వాచ్‌లతో పాటు ఈ స్మార్ట్ గాగుల్స్‌ను కూడా స్టేడియం సెక్యూరిటీ వద్ద తప్పనిసరిగా అప్పగించాల్సి ఉంటుంది. నిబంధనలు ఉల్లంఘిస్తే కఠిన చర్యలు తప్పవని బీసీసీఐ హెచ్చరించింది.

డగౌట్‌లో మొబైల్ ఫోన్ వివాదం – మేనేజర్‌కు జరిమానా

Tightens Anti-Corruption Rules Before Grand Final

ఈ సీజన్ మధ్యలో రాజస్థాన్ రాయల్స్ (RR) టీమ్ మేనేజర్ రోమీ భిందర్ మ్యాచ్ లైవ్ జరుగుతుండగా డగౌట్‌లో మొబైల్ ఫోన్ వాడుతూ టీవీ కెమెరాలకు అడ్డంగా దొరికిపోవడం తీవ్ర వివాదాస్పదమైంది. యాంటీ కరప్షన్ నిబంధనలను ఉల్లంఘించినందుకు గానూ బీసీసీఐ అతనికి రూ. 1 లక్ష జరిమానా విధించడంతో పాటు తీవ్ర హెచ్చరికలు జారీ చేసింది. ఈ నేపథ్యంలోనే టెక్నాలజీ దుర్వినియోగం కాకుండా బీసీసీఐ ముందస్తు చర్యలు చేపట్టింది.

IPL 2026 New Rules: హనీ ట్రాప్ భయాలు – గదుల్లోకి గెస్ట్‌లకు నో ఎంట్రీ

ఐపీఎల్ 2026 సీజన్ సాగుతున్న క్రమంలో తెరవెనుక ‘హనీ ట్రాప్’ (Honey Trap) గురించిన కొన్ని ఇంటెలిజెన్స్ వార్తలు రావడంతో బీసీసీఐ భద్రతను మరింత కఠినతరం చేసింది.