ఈ మ్యాచ్‌లో ఎంబాపే లీడర్ షిప్ రోల్‌లో అదరగొట్టి ఫ్రాన్స్ జాతీయ జట్టు తరఫున సరికొత్త రికార్డును తన పేరిట లిఖించుకున్నాడు.

Read Also : TG20.. బ్రాండ్ అంబాసిడర్ గా విజయ్ దేవరకొండ

Mbappé’s record at the FIFA World Cup

FIFA World Cup 2026: సెనెగల్‌పై ఫ్రాన్స్ ఘన విజయం

న్యూజెర్సీ వేదికగా సెనెగల్‌తో జరిగిన ఈ ఉత్కంఠభరిత పోరులో ఫ్రాన్స్ 3-1 తేడాతో ఘన విజయం సాధించింది. మ్యాచ్ మొదటి అర్ధభాగంలో ఇరు జట్లు హోరాహోరీగా తలపడినప్పటికీ.. సెకండ్ హాఫ్‌లో కిలియన్ ఎంబాపే తన మార్క్ ఆటతీరుతో మైదానంలో చెలరేగిపోయాడు. సెనెగల్ డిఫెన్స్‌ను చేధిస్తూ బ్యాక్-టు-బ్యాక్ రెండు అద్భుతమైన గోల్స్ సాధించి ఫ్రాన్స్ జట్టుకు తిరుగులేని ఆధిక్యాన్ని అందించాడు. ఎంబాపే మెరుపు దాడులతో ఫ్రాన్స్ విజయం నల్లేరుపై నడకలా మారింది.

ఈ మ్యాచ్‌లో సాధించిన రెండు గోల్స్‌తో కిలియన్ ఎంబాపే ఒక అరుదైన రికార్డును సొంతం చేసుకున్నాడు. ఫ్రాన్స్ పురుషుల జాతీయ జట్టు తరఫున అంతర్జాతీయ వేదికలపై అత్యధిక గోల్స్ సాధించిన నంబర్ 1 ఆటగాడిగా ఎంబాపే నిలిచాడు. ఇప్పటివరకు 57 గోల్స్‌తో అగ్రస్థానంలో ఉన్న స్టార్ ప్లేయర్ ఒలివియర్ గిరౌడ్ రికార్డును ఎంబాపే (58 గోల్స్) అధిగమించాడు. కెరీర్‌లో బెస్ట్ ఫామ్‌లో ఉన్న ఈ ఫ్రెంచ్ కెప్టెన్.. అతి తక్కువ వయసులోనే ఈ ఆల్‌టైమ్ రికార్డును అందుకోవడం విశేషం.

మెస్సి, క్లోజే రికార్డులపై కన్నేసిన ఫ్రెంచ్ స్టార్

వరల్డ్ కప్‌లో ఎంబాపే సృష్టిస్తున్న గోల్స్ సునామీతో వరల్డ్ ఫుట్‌బాల్ లెజెండ్స్ రికార్డులు ప్రమాదంలో పడ్డాయి. సెనెగల్‌పై చేసిన ఈ ట్విన్ గోల్స్‌తో ఎంబాపే.. ప్రపంచకప్ చరిత్రలో అత్యధిక గోల్స్ చేసిన మిరోస్లావ్ క్లోజే, లియోనెల్ మెస్సి ల ఆల్‌టైమ్ రికార్డులకు మరింత చేరువయ్యాడు. ఇదే ఫామ్‌ను కొనసాగిస్తే ఈ టోర్నీలోనే ఎంబాపే మరికొన్ని అంతర్జాతీయ రికార్డులను తిరగరాయడం ఖాయంగా కనిపిస్తోంది.

Read Also hindi news: hindi.vaartha.com

Read Also Epaper : epaper.vaartha.com

Read Also :

ఫిఫా వరల్డ్ కప్లో మెస్సీ హ్యాట్రిక్.. బోణీ కొట్టిన అర్జెంటీనా