KKR vs DC Highlights: ఐపీఎల్ 2026లో కోల్‌కతా నైట్ రైడర్స్ (KKR) జైత్రయాత్ర కొనసాగుతోంది. ఢిల్లీ క్యాపిటల్స్‌తో జరిగిన మ్యాచ్‌లో ఓపెనర్ ఫిన్ అలెన్ ఆకాశమే హద్దుగా చెలరేగిపోయాడు.

అద్భుతమైన సెంచరీతో జట్టును విజయతీరాలకు చేర్చడమే కాకుండా, తన ఐపీఎల్ కెరీర్‌లో తొలి శతకాన్ని నమోదు చేసి రికార్డు సృష్టించాడు. ఈ విజయంతో కేకేఆర్ వరుసగా నాలుగో విజయాన్ని తన ఖాతాలో వేసుకుంది.

Read Also:IPL 2026 - KKR Vs DC : టాస్ గెలిచిన బౌలింగ్ ఎంచుకున్న KKR

47 బంతుల్లో 100.. సిక్సర్ల వర్షం కురిపించిన అలెన్

143 పరుగుల లక్ష్యంతో బరిలోకి దిగిన కోల్‌కతాకు ఫిన్ అలెన్ ఊహించని ఆరంభాన్ని ఇచ్చాడు. కేవలం 47 బంతుల్లోనే 100 పరుగులు చేసి నాటౌట్‌గా నిలిచాడు. అలెన్ ఇన్నింగ్స్‌లో 5 ఫోర్లు, 10 భారీ సిక్సర్లు ఉండటం విశేషం. ఇన్నింగ్స్ చివరి బంతికి సెంచరీ పూర్తి చేసుకోవడంతో స్టేడియం మార్మోగిపోయింది. అతని ధాటికి ఢిల్లీ బౌలర్లు ఏ దశలోనూ అడ్డుకట్ట వేయలేకపోయారు.

8 వికెట్ల తేడాతో ఢిల్లీపై ఘనవిజయం

ఢిల్లీ నిర్దేశించిన స్వల్ప లక్ష్యాన్ని కేకేఆర్ కేవలం 2 వికెట్లు మాత్రమే కోల్పోయి ఛేదించింది. అలెన్ విధ్వంసకర బ్యాటింగ్‌తో కోల్‌కతా ఈ విజయాన్ని అత్యంత సులువుగా అందుకుంది. ఢిల్లీ బౌలర్లు వికెట్లు తీయడానికి ప్రయత్నించినప్పటికీ, అలెన్ జోరు ముందు వారి పప్పులు ఉడకలేదు. ఈ విజయంతో కేకేఆర్ పాయింట్ల పట్టికలో తన స్థానాన్ని మరింత మెరుగుపరుచుకుంది.

KKR vs DC

ప్లేఆఫ్స్ రేసులోకి కేకేఆర్: క్రికెట్ అంటేనే ఇది!

సీజన్ ప్రారంభంలో వరుస ఓటములతో కుదేలైన కోల్‌కతా నైట్ రైడర్స్, ఇప్పుడు అనూహ్యంగా పుంజుకుంది. వరుసగా నాలుగు విజయాలు సాధించి ప్లేఆఫ్స్ రేసులో గట్టి పోటీదారుగా నిలిచింది. ఒకానొక దశలో టోర్నీ నుంచి నిష్క్రమిస్తుందనుకున్న జట్టు, ఇప్పుడు టైటిల్ ఫేవరెట్లలో ఒకటిగా మారడం అందరినీ ఆశ్చర్యపరుస్తోంది.