రియో పశ్చిమ ప్రాంతంలోని ‘రెక్రియో డోస్ బాందీరాంటెస్’ సమీపంలో ఉదయం 9 గంటల ప్రాంతంలో ఈ ప్రమాదం జరిగింది.

Oliver Tree Demise

గాల్లోనే ముక్కలైన హెలికాప్టర్లు

స్థానిక అధికారిక వర్గాల సమాచారం ప్రకారం.. యూరోకాప్టర్ AS350, బెల్ 206 రకానికి చెందిన రెండు హెలికాప్టర్లు గగనతలంలో బలంగా ఢీకొన్నాయి. ప్రమాద తీవ్రతకు అవి గాల్లోనే ముక్కలై కిందపడిపోయాయి. ఈ హెలికాప్టర్ల శకలాలు సమీపంలోనే ఉన్న చైనాకు చెందిన ప్రముఖ ‘BYD’ ఎలక్ట్రిక్ కార్ల పార్కింగ్ యార్డులో పడ్డాయి.

Read also: US - Iran Deal : USతో అవగాహన ఒప్పందం కుదిరింది- ఇరాన్ ప్రకటన

Brazil Helicopter Crash: 20 ఎలక్ట్రిక్ కార్లు పూర్తిగా దహనం

హెలికాప్టర్ శకలాలు పడటంతో పార్కింగ్ యార్డులో ఒక్కసారిగా మంటలు చెలరేగాయి. అక్కడ నిలిపి ఉంచిన సుమారు 20 లగ్జరీ ఎలక్ట్రిక్ కార్లు ఈ ప్రమాదంలో పూర్తిగా కాలి బూడిదయ్యాయి. కార్లలోని లిథియం-అయాన్ బ్యాటరీల కారణంగా మంటలు అత్యంత వేగంగా వ్యాపించాయని, వాటిని అదుపు చేయడం చాలా కష్టతరంగా మారిందని అగ్నిమాపక సిబ్బంది వెల్లడించారు. అదృష్టవశాత్తూ ఈ శకలాలు జనసాంద్రత లేని పార్కింగ్ యార్డులో పడటంతో మరిన్ని ప్రాణనష్టాలు తప్పాయి.

ఒలివర్ ట్రీతో పాటు మరో ఐదుగురు మృతి

ఒక మ్యూజిక్ వీడియో షూటింగ్ నిమిత్తం ఒలివర్ ట్రీ బ్రెజిల్ వచ్చినట్లు సమాచారం. ఈ ప్రమాదంలో ఆయనతో పాటు అర్జెంటీనాకు చెందిన ప్రముఖ యూట్యూబర్ గ్యాస్‌పర్ ప్రిమ్ డియాస్ (గాస్పి), మ్యూజిక్ వీడియో దర్శకుడు లూకాస్ విగ్నాల్, మ్యూజిక్ ప్రొడ్యూసర్ లూకాస్ బ్రిటో చావెస్, అలాగే ఇద్దరు పైలట్లు మరణించారు.

‘లైఫ్ గోస్ ఆన్’, ‘మిస్ యూ’ వంటి గ్లోబల్ హిట్ సాంగ్స్‌తో ఒలివర్ ట్రీ ప్రపంచవ్యాప్తంగా మిలియన్ల కొద్దీ అభిమానులను సంపాదించుకున్నారు. ప్రమాదానికి కేవలం ఒకరోజు ముందే ఆయన రియో వీధుల్లో ఫుట్‌బాల్ ఆడుతూ సందడి చేసిన వీడియోను సోషల్ మీడియాలో పంచుకున్నారు. అంతలోనే ఆయన మరణించడంతో సంగీత ప్రపంచం తీవ్ర దిగ్భ్రాంతికి గురైంది.

రంగంలోకి దర్యాప్తు సంస్థలు

ఈ ఘోర ప్రమాదంపై బ్రెజిల్ ఏవియేషన్ అథారిటీ (CENIPA) తో పాటు స్థానిక పోలీసులు కేసు నమోదు చేసుకుని దర్యాప్తు ప్రారంభించారు. ప్రాథమిక అంచనాల ప్రకారం పైలట్ల పొరపాటు వల్లే ఈ క్రాష్ జరిగి ఉండవచ్చని అధికారులు భావిస్తున్నారు.