Gayapadda Simham Movie Review: టాలీవుడ్‌లో కొత్త కథలతో ప్రయోగాలు చేయడం ఎక్కువైంది. ఈ క్రమంలోనే ప్రముఖ దర్శకుడు తరుణ్ భాస్కర్ హీరోగా.. జేడీ చక్రవర్తి కీలక పాత్రలో, కాశ్యప్ శ్రీనివాస్ దర్శకత్వంలో తెరకెక్కిన సరికొత్త క్రైమ్ కామెడీ చిత్రం ఈ 'గాయపడ్డ సింహం'.

అమెరికా అధ్యక్షుడు డొనాల్డ్ ట్రంప్‌పై మన హైదరాబాద్ హీరో పగ తీర్చుకోవాలనుకుంటే ఎలా ఉంటుంది?

Read Also: Ashu Reddy Case: వ్యక్తిగత జీవితంపై వార్తలు ప్రసారం చేయొద్దన్న హైకోర్టు!

Gayapadda Simham Movie Review

కథ

ఐజీ విజయకాంత్ (శుభలేఖ సుధాకర్) ఆధ్వర్యంలో నగరంలో డ్రగ్స్ మాఫియాపై పోలీసులు పోరాటం చేస్తుంటారు. ఇదే సమయంలో విజయకాంత్ తన కూతురు (ఫరియా అబ్దుల్లా)కి పెళ్లి సంబంధాలు చూస్తుండగా, తరుణ్ భాస్కర్ లైన్‌లోకి వస్తాడు. వీరిద్దరికీ పెళ్లి నిశ్చయమైన తరుణంలో, తన తండ్రికి మరియు కాబోయే భర్తకు మధ్య ఏదో పాత పరిచయం ఉందని ఫరియా గుర్తిస్తుంది. అప్పుడు మొదలవుతుంది అసలైన ఫ్లాష్‌బ్యాక్.

హీరో తరుణ్ భాస్కర్ తన ప్రేయసి (మానస చౌదరి)ని పెళ్లి చేసుకోవడానికి డబ్బు సంపాదించేందుకు అమెరికా వెళ్తాడు. కానీ, అప్పటి అమెరికా అధ్యక్షుడు డొనాల్డ్ ట్రంప్ తీసుకున్న నిర్ణయాల వల్ల డిపోర్ట్ అయ్యి వెనక్కి వస్తాడు. దీంతో తీవ్ర ఆవేదనకు లోనైన హీరో.. “నేను గాయపడ్డ సింహాన్ని.. ట్రంప్‌పై ప్రతీకారం తీర్చుకుంటా” అని శపథం చేస్తాడు. ఒక సామాన్య కుర్రాడు అమెరికా అధ్యక్షుడిపై పగ తీర్చుకోవడం సాధ్యమేనా? ఈ క్రమంలో మాఫియా డాన్ బ్రూటల్ ధర్మా (జేడీ చక్రవర్తి), సివిల్స్ అభ్యర్థి శ్రీవిష్ణు కథలోకి ఎలా వచ్చారు అనేదే ఈ సినిమా

విశ్లేషణ

క్రైమ్ కామెడీ సినిమాల్లో లాజిక్ కంటే మ్యాజిక్ (కామెడీ) ముఖ్యం. ‘గాయపడ్డ సింహం’ విషయంలో కూడా దర్శకుడు కాశ్యప్ శ్రీనివాస్ ఒక క్రేజీ పాయింట్‌ను ఎంచుకున్నారు. ట్రంప్ మీద హీరో పగ తీర్చుకోవాలనుకునే ఆ సిల్లీ పాయింటే సినిమాకు ప్రధాన ఆకర్షణ. అందరికీ హాస్యాస్పదంగా అనిపించే విషయాన్ని హీరో చాలా సీరియస్‌గా ఫీల్ అవ్వడం వల్ల మంచి కామెడీ జనరేట్ అయ్యింది. అయితే, తరుణ్ భాస్కర్ గత చిత్రాలైన ‘కీడా కోలా’ తరహా పదాల గారడి ఇందులోనూ కనిపిస్తుంది, అది కొన్నిసార్లు రొటీన్‌గా అనిపించవచ్చు.

నటీనటుల పనితీరు

ఈ సినిమాలో ప్రత్యేకంగా చెప్పుకోవాల్సింది జేడీ చక్రవర్తి గురించి. ‘బ్రూటల్ ధర్మా’ అనే విలన్ పాత్రలో ఆయన మేనరిజమ్స్ కొత్తగా ఉన్నాయి. అయితే, ఆ పాత్రను పూర్తిస్థాయిలో కామెడీగా మలచడంలో దర్శకుడు కొంత తడబడ్డారు. శ్రీవిష్ణు పాత్ర కథలో కీలకమైనప్పటికీ, అది ప్రేక్షకులను కాస్త తికమక పెడుతుంది. శుభలేఖ సుధాకర్, ఫరియా అబ్దుల్లా, కృష్ణభగవాన్, హర్షవర్ధన్ తమ పరిధి మేర నటించినా, వారికి పెద్దగా స్కోప్ దక్కలేదు.