ఈ నిర్ణయం అమల్లోకి వస్తే బ్యాంకింగ్ కార్యకలాపాలు మరింత సులభతరం కావడంతో పాటు, బ్రాంచీల నిర్వహణ వ్యయం గణనీయంగా తగ్గుతుంది. బ్యాంకింగ్ రంగానికి ఇదొక పెద్ద ఊరటగా పరిశ్రమ నిపుణులు భావిస్తున్నారు.

బంగారం, వెండి దిగుమతులపై పన్ను మినహాయింపు రద్దు?

మరోవైపు, బంగారం, వెండి వంటి విలువైన లోహాల దిగుమతిపై బ్యాంకులకు ఇప్పటివరకు లభిస్తున్న పన్ను మినహాయింపులకు స్వస్తి చెప్పే ఆలోచనలో కౌన్సిల్ ఉన్నట్లు తెలుస్తోంది. ఇకపై బ్యాంకులు ప్రీమియం మెటల్స్ దిగుమతి చేసుకునే సమయంలో 3 శాతం ఇంటిగ్రేటెడ్ జీఎస్టీ (IGST) చెల్లించాల్సి రావచ్చు. ఈ పన్ను మినహాయింపు రద్దు అమల్లోకి వస్తే, బ్యాంకుల దిగుమతి వ్యయం పెరుగుతుంది. తద్వారా స్థానిక మార్కెట్లో బంగారం, వెండి ధరలపై స్వల్ప ప్రతికూల ప్రభావం పడే అవకాశం ఉంది.