సాధారణంగా వీసా బులెటిన్‌లో రెండు రకాల చార్ట్‌లు ఉంటాయి. ఒకటి ‘డేట్స్ ఫర్ ఫైలింగ్’ (దరఖాస్తులు సమర్పించడానికి ఇచ్చే తేదీలు), రెండోది ‘ఫైనల్ యాక్షన్ డేట్స్’ (గ్రీన్ కార్డ్ పూర్తిగా మంజూరయ్యే తేదీలు). జూలై నెలలో ఎంప్లాయ్‌మెంట్ ఆధారిత గ్రీన్ కార్డ్ దరఖాస్తుల కోసం కేవలం ‘ఫైనల్ యాక్షన్ డేట్స్’ చార్ట్‌ను మాత్రమే ప్రామాణికంగా తీసుకోవాలని USCIS కఠిన నిర్ణయం తీసుకుంది. ‘డేట్స్ ఫర్ ఫైలింగ్’ చార్ట్‌ను అనుమతించినప్పుడు, గ్రీన్ కార్డ్ రావడానికి సమయం పట్టినా.. అభ్యర్థులు ముందే ఫారమ్ I-485 దరఖాస్తును సమర్పించవచ్చు. దీనివల్ల వారికి వర్క్ పర్మిట్ (EAD) మరియు అమెరికా వెలుపల ప్రయాణించడానికి అడ్వాన్స్ పరోల్ (AP) లభిస్తాయి. కానీ ఇప్పుడు కేవలం ‘ఫైనల్ యాక్షన్ డేట్స్’ మాత్రమే వర్తింపజేయడం వల్ల, ప్రయారిటీ డేట్ (Priority Date) పూర్తిగా కరెంట్ అయ్యే వరకు అభ్యర్థులు అడ్జస్ట్‌మెంట్ ఆఫ్ స్టేటస్ (AOS) దరఖాస్తును కూడా ఫైల్ చేయలేరు.

Read Also: G7 Summit 2026: నేనే బాస్ అంటూ ట్రంప్ కీలక వ్యాఖ్యలు

USCIS’s tough decision

USCIS’s tough decision : EB-2, EB-3 కేటగిరీల భారతీయ టెక్ ఉద్యోగులపై తీవ్ర ప్రభావం

భారతదేశానికి చెందిన మెజారిటీ ఐటీ మరియు టెక్ నిపుణులు EB-2 మరియు EB-3 (ఉపాధి ఆధారిత 2, 3 కేటగిరీలు) కింద గ్రీన్ కార్డ్ కోసం దరఖాస్తు చేసుకుంటారు. ఇప్పటికే ఈ కేటగిరీల్లో దశాబ్దాల తరబడి నిరీక్షణ కాలం (Backlog) నడుస్తోంది. తాజా నిబంధనలతో ఈ కేటగిరీలకు చెందిన ఎంతో మంది నిపుణులు త్వరగా వర్క్ పర్మిట్ లేదా ఉద్యోగాల మార్పిడి (Job Portability) చేసుకునే అవకాశాన్ని కోల్పోయారు. ఉద్యోగ ఆధారిత కేటగిరీలకు నిబంధనలు కఠినం చేసినప్పటికీ, ఫ్యామిలీ స్పాన్సర్డ్ (కుటుంబ సభ్యుల ద్వారా దరఖాస్తు చేసుకునే) వారికి USCIS మినహాయింపు ఇచ్చింది. వీరు జూలై నెలలో కూడా ‘డేట్స్ ఫర్ ఫైలింగ్’ చార్ట్‌నే ఉపయోగించుకోవచ్చు. దీనివల్ల అమెరికాలో ఉన్న తమ కుటుంబ సభ్యులతో కలిసి ఉండటానికి, అలాగే గ్రీన్ కార్డ్ ప్రాసెసింగ్‌లో ఉన్నప్పుడే వర్క్ పర్మిట్లు పొందడానికి వీరికి మార్గం సుగమం అయ్యింది.

అభ్యర్థులు తీసుకోవాల్సిన జాగ్రత్తలు:

• డేట్స్ సరిచూసుకోవడం: మీ ప్రయారిటీ డేట్ జూలై నెల ‘ఫైనల్ యాక్షన్ డేట్’తో మ్యాచ్ అవుతుందో లేదో వెంటనే ఇమ్మిగ్రేషన్ పోర్టల్‌లో చెక్ చేసుకోండి.
• పత్రాల సంసిద్ధత: ఒకవేళ మీ డేట్ కరెంట్ అయితే, ఏమాత్రం ఆలస్యం చేయకుండా ఇమ్మిగ్రేషన్ లాయర్‌ను సంప్రదించి వాలిడ్ మెడికల్ రికార్డులు, ఇతర పత్రాలతో ఫైలింగ్‌కు సిద్ధమవ్వండి.

Read Also hindi news: hindi.vaartha.com

Read Also Epaper : epaper.vaartha.com

Read Also :

అవినీతి ఆరోపణల నేపథ్యంలో శ్రీలంక మాజీ అధ్యక్షుడి కొడుకు అరెస్టు