ఆసక్తికరమైన విషయమేమిటంటే, ఈ నిపుణులంతా లండన్ కేంద్రంగా సేవలందించినవారే. వీరిలో గూగుల్ ప్రతిష్టాత్మకంగా రూపొందించిన ‘జెమినీ ఏఐ’ (Gemini AI) అభివృద్ధిలో కీలక పాత్ర పోషించిన జోనాస్ అడ్లర్, అలెగ్జాండర్ ప్రిట్జెల్ లు తాజాగా తమ పదవులకు రాజీనామా చేశారు. వీరు ప్రముఖ ఏఐ స్టార్టప్ ‘ఆంథ్రోపిక్’ (Anthropic) సంస్థలో చేరబోతున్నట్లు సమాచారం.

నోబెల్ విజేత సైతం దూరం

వీరి కంటే ముందే, ఆల్ఫాఫోల్డ్ ప్రాజెక్టుకు కో-లీడర్‌గా వ్యవహరించిన నోబెల్ బహుమతి గ్రహీత జాన్ జంపర్, అలాగే విప్లవాత్మక ట్రాన్స్‌ఫార్మర్ టెక్నాలజీ సృష్టికర్తల్లో ఒకరైన నోమ్ షజీర్ వంటి దిగ్గజాలు కూడా గూగుల్‌ను వీడటం టెక్ ప్రపంచంలో సంచలనంగా మారింది. జాన్ జంపర్ కూడా ఆంథ్రోపిక్‌లోనే చేరనున్నప్పటికీ, బ్రిటన్‌లోని ‘నాన్-కంపీట్’ (Non-compete) నిబంధనల వల్ల ఆయన వచ్చే ఏడాది మాత్రమే అక్కడ బాధ్యతలు స్వీకరించే అవకాశం ఉంది.

Google: అమెరికా వైపు మళ్లుతున్న ఏఐ కేంద్రం.. షేర్ మార్కెట్ లాభాలే టార్గెట్!

ఈ వరుస వలసల వెనుక ప్రపంచ ఏఐ రంగంలో జరుగుతున్న భౌగోళిక మార్పులు స్పష్టంగా కనిపిస్తున్నాయని మార్కెట్ నిపుణులు విశ్లేషిస్తున్నారు. ప్రస్తుతానికి ఏఐ మోడళ్లకు శిక్షణ ఇచ్చే అత్యంత కీలకమైన ‘ప్రీ-ట్రైనింగ్’ ప్రక్రియలు మరియు పరిశోధనలు లండన్ నుండి అమెరికాలోని కాలిఫోర్నియాకు వేగంగా మారుతున్నాయి. గూగుల్ సైతం తన కంప్యూటింగ్ వనరుల కేటాయింపులను అమెరికాకు ప్రాధాన్యతనిస్తూ మార్చడం వల్ల లండన్ పరిశోధకులు ఇతర కంపెనీల వైపు చూస్తున్నారు.

మరో ప్రధాన కారణం ఏమిటంటే.. ఓపెన్ఏఐ (OpenAI), ఆంథ్రోపిక్ వంటి ప్రముఖ ఏఐ కంపెనీలు త్వరలోనే స్టాక్ మార్కెట్ (IPO) లోకి వచ్చే అవకాశాలు పుష్కలంగా ఉన్నాయి. ఈ తరుణంలో ఆయా సంస్థల్లో చేరితే భవిష్యత్తులో ఈక్విటీ/షేర్ల రూపంలో భారీగా సంపదను సృష్టించుకోవచ్చనే ఉద్దేశంతో నిపుణులు అటువైపు ఆకర్షితులవుతున్నారు. అయితే, ఏఐ రంగంలో నిపుణుల కోసం ఎంత పోటీ ఉన్నప్పటికీ, అత్యుత్తమ ప్రతిభావంతులను ఆకర్షించడంలో గూగుల్ బ్రాండ్ ఇమేజ్ ఇప్పటికీ బలంగానే ఉందని డీప్‌మైండ్ బాస్ డెమిస్ హసాబిస్ ధీమా వ్యక్తం చేశారు.

Epaper: epaper.vaartha.com

షాపింగ్ చేసే వారికి షాకింగ్ న్యూస్!