ఆమె కన్నతల్లి, భర్త, తాత కలిసి అత్యంత కిరాతకంగా అంతమొందించారు. గుండెపోటుతో చనిపోయిందంటూ నమ్మబలికి, అర్ధరాత్రి వేళ ఎవరికీ తెలియకుండా అంత్యక్రియలు కానిచ్చేసి కథ ముగిసిందనుకున్నారు. కానీ, బాధితురాలు చనిపోకముందే రికార్డ్ చేసిన ఒక సెల్ఫీ వీడియో ఏపీ పోలీసుల 'శక్తి యాప్' (Shakti App) ద్వారా వెలుగులోకి రావడంతో ఈ ఘోరం బయటపడింది. శ్రీకాకుళం జిల్లా బ్రహ్మణతర్లాకు చెందిన హరిణికి 2010లో ఆమె మేనమామ దంతేశ్వరరావుతో వివాహం జరిగింది. వీరికి ఒక కుమారుడు కూడా ఉన్నాడు. పెళ్లయిన తర్వాత చదువుపై ఆసక్తితో హరిణి డిగ్రీ పూర్తి చేసింది. ఎలాగైనా గ్రూప్-1 సాధించాలనే బలమైన లక్ష్యంతో కోచింగ్ కోసం హైదరాబాద్ వచ్చింది. ఈ క్రమంలో ఆమెకు నాగేంద్ర అనే వ్యక్తితో పరిచయం ఏర్పడింది. దీంతో భర్తకు విడాకులు ఇచ్చి నాగేంద్రను వివాహం చేసుకోవాలని హరిణి నిశ్చయించుకుంది.

Read Also: Mancherial: మంచిర్యాల జిల్లాలో విషాదం..గోడ కూలి ఏడేళ్ల బాలిక మృతి

Harini Murder Mystery

Srikakulam Crime : సొంతూరికి పిలిపించి స్కెచ్.. బాధితురాలి ముందస్తు అనుమానం!

హరిణి నిర్ణయాన్ని ఆమె కుటుంబ సభ్యులు తీవ్రంగా వ్యతిరేకించారు. విడాకుల వ్యవహారం మాట్లాడుకుందాం అని నమ్మించి మే 30న ఆమెను హైదరాబాద్ నుంచి శ్రీకాకుళం జిల్లా టెక్కలి మండలం సొర్లిగాం గ్రామానికి తీసుకువెళ్లారు. అయితే, తన కుటుంబం వల్ల ప్రాణాపాయం ఉందని ముందే ఊహించిన హరిణి.. ప్రయాణంలోనే ఒక సెల్ఫీ వీడియో రికార్డ్ చేసి స్నేహితుడు నాగేంద్రకు పంపింది. “మా ఇంట్లో చాలా గొడవలు జరుగుతున్నాయి. జూన్ 5 లోగా నేను హైదరాబాద్ రాకపోయినా, నా ఫోన్ స్విచ్చాఫ్ వచ్చినా నాకు ఏదో కీడు చేశారని భావించి పోలీసులు చర్యలు తీసుకోవాలి.” - సెల్ఫీ వీడియోలో హరిణి చివరి మాటలు