Guntur fire accident: గుంటూరు జిల్లా ప్రత్తిపాడు నియోజకవర్గంలో గుంటూరు జిల్లాలో భారీ అగ్నిప్రమాదం చోటుచేసుకుంది. స్థానికంగా ఉన్న ఒక పాత ఇనుప సామాగ్రి గోడౌన్‌లో అకస్మాత్తుగా మంటలు చెలరేగి భారీ నష్టం కలిగించాయి.

ప్లాస్టిక్ వ్యర్థాలు, పాత సామాగ్రి ఉండటంతో మంటలు వేగంగా వ్యాపించాయి. దట్టమైన పొగలు ఆకాశాన్ని కమ్మేయడంతో స్థానికులు తీవ్ర భయాందోళనకు గురయ్యారు.

Read also: Ghost sim cards fraud : మీకు తెలియకుండానే మీ పేరుపై సిమ్ కార్డులు.. 1100 కి పైగా ఘోస్ట్ సిమ్ కార్డులతో సైబర్ దందా!

Massive Fire Accident in Guntur District

అగ్నికీలలతో ఆకాశం కమ్మిన పొగ

గోడౌన్‌లో ఉన్న ప్లాస్టిక్ పదార్థాలు మంటలకు ఆజ్యం పోయడంతో పరిస్థితి అదుపు తప్పింది. మంటలు క్షణాల్లోనే షెడ్డు మొత్తం వ్యాపించి, భారీ అగ్నికీలలు ఎగిసిపడ్డాయి. ప్రమాద తీవ్రత గమనించిన స్థానికులు వెంటనే అగ్నిమాపక కేంద్రానికి ఫోన్ చేసి సమాచారం అందించారు. దట్టమైన పొగ వల్ల చుట్టుపక్కల ప్రాంతాల్లో ప్రజలు శ్వాస తీసుకోవడానికి ఇబ్బంది పడ్డారు.

Guntur fire accident: మంటలను అదుపు చేస్తున్న ఫైర్ సిబ్బంది

ఘటనాస్థలికి చేరుకున్న అగ్నిమాపక సిబ్బంది మంటలను ఆర్పేందుకు తీవ్రంగా శ్రమిస్తున్నారు. మంటలు పక్కన ఉన్న భవనాలకు వ్యాపించకుండా ఫైర్ ఫైటర్లు జాగ్రత్తలు తీసుకుంటున్నారు. ప్రాథమిక అంచనాల ప్రకారం భారీగా ఆస్తి నష్టం జరిగినట్లు తెలుస్తోంది. ప్రస్తుతం అగ్నిప్రమాదానికి గల కారణాలు తెలియాల్సి ఉంది, పోలీసులు కేసు నమోదు చేసి విచారణ మొదలుపెట్టారు.