Operation H-FAST: మృగశిర కార్తె పర్వదినాన్ని పురస్కరించుకుని హైదరాబాద్‌లో చికెన్ వ్యర్థాల అక్రమ రవాణాపై హెచ్-ఫాస్ట్ (H-FAST - Hyderabad Food Adulteration Surveillance Team) పోలీసులు నిర్వహించిన మెగా ఆపరేషన్ రాష్ట్రవ్యాప్తంగా తీవ్ర సంచలనం సృష్టిస్తోంది.

నగర పరిధిలో సేకరించిన దాదాపు 120 టన్నుల చికెన్ వ్యర్థాలను ఆంధ్రప్రదేశ్‌లోని చేపల చెరువులకు తరలిస్తున్న భారీ నెట్‌వర్క్‌ను అధికారులు గుట్టురట్టు చేశారు.

Read also:Madhya Pradesh Dead Snake in Ration:అంగన్‌వాడీ పోషకాహార ప్యాకెట్‌లో చనిపోయిన పాము పిల్ల!

మృగశిర కార్తె నాడు 'హెచ్-ఫాస్ట్' మెగా ఆపరేషన్

హైదరాబాద్‌లో కల్తీ ఆహార పదార్థాల నియంత్రణ కోసం ప్రత్యేకంగా ఏర్పాటైన 'హెచ్-ఫాస్ట్' విభాగం, విశ్వసనీయ సమాచారంతో నగరం వెలుపలికి వెళ్లే ప్రధాన రహదారులపై నిఘా పెట్టింది. మృగశిర కార్తె రోజున చేపల వినియోగం విపరీతంగా పెరిగే తరుణంలోనే.. ఈ ముఠా తమ అక్రమ రవాణాను ముమ్మరం చేసింది. హైదరాబాద్ నుంచి ఆంధ్రప్రదేశ్‌కు చికెన్ వ్యర్థాలను (కోడి ఈకలు, పేగులు, అంతర్గత అవయవాలు) తరలిస్తున్న 12 లారీలను అధికారులు ఒకే ఆపరేషన్‌లో స్వాధీనం చేసుకున్నారు.

నిబంధనల ఉల్లంఘన - రెండరింగ్ ప్లాంట్ నుంచి దారి మళ్లింపు

నిజానికి గ్రేటర్ హైదరాబాద్ మున్సిపల్ కార్పొరేషన్ (GHMC) పరిధిలోని చికెన్ సెంటర్ల నుంచి వచ్చే వ్యర్థాలను శాస్త్రీయంగా నిర్వీర్యం చేయడానికి రెండరింగ్ ప్లాంట్‌కు (Rendering Plant) పంపించాల్సి ఉంటుంది. కానీ, అక్కడ ప్రాసెస్ చేయడానికి రుసుము చెల్లించాల్సి రావడంతో, కొందరు వ్యాపారులు ఈ వ్యర్థాలను తక్కువ ధరకు కొనుగోలు చేసి అక్రమంగా ఏపీకి తరలిస్తున్నారు. ఈ కుళ్ళిన వ్యర్థాలను ఆంధ్రప్రదేశ్‌లోని కృష్ణా, గుంటూరు, వినుకొండ, అద్దంకి, భీమవరం ప్రాంతాల్లోని వాణిజ్య చేపల చెరువులకు (Fish Ponds) తరలించి, అక్కడ చేపలకు ప్రధాన ఆహారంగా (Feed) వేస్తున్నట్లు ప్రాథమిక విచారణలో తేలింది.

Operation H-FAST: ప్రజారోగ్యానికి పెను ముప్పు - వైద్యుల హెచ్చరిక