ఫైనాన్స్ విద్యను ప్రపంచ పెట్టుబడి రంగానికి సంబంధించిన మారుతున్న అవసరాలకు అనుగుణంగా బలోపేతం చేయడం మరియు విద్యా-పరిశ్రమల మధ్య సమన్వయాన్ని పెంచడం ఈ కార్యక్రమ ప్రధాన లక్ష్యం. IMT హైదరాబాద్, వోక్సన్ యూనివర్సిటీ, NMIMS, గీతం, హైదరాబాద్ సెంట్రల్ యూనివర్సిటీ, సెయింట్ జోసెఫ్స్ వంటి ప్రముఖ విద్యాసంస్థల ప్రతినిధులు, విద్యావేత్తలు ఇందులో పాల్గొన్నారు. ప్రపంచవ్యాప్తంగా గుర్తింపు పొందిన సీఎఫ్ఏ ప్రోగ్రామ్‌లోని పాఠ్యప్రణాళికను విద్యార్థులకు, అధ్యాపకులకు ఆచరణాత్మకంగా ఎలా అందుబాటులోకి తేవాలో ఈ సందర్భంగా చర్చించారు.

భవిష్యత్తు అవసరాలు – గ్లోబల్ కెపాబిలిటీ సెంటర్లకు కేంద్రంగా హైదరాబాద్

హైదరాబాద్ నగరం ఆర్థిక సేవల రంగంలో వేగంగా ఎదుగుతోందని, గ్లోబల్ కెపాబిలిటీ సెంటర్లు (GCCలు) ఇక్కడ విస్తరించడం వల్ల విద్యార్థులకు అపారమైన ఉద్యోగావకాశాలు లభిస్తున్నాయని సీఎఫ్ఏ ఇన్‌స్టిట్యూట్ ప్రతినిధి సైమ్ ఫకీహ్ పేర్కొన్నారు. పరిశ్రమల తక్షణ అవసరాలకు అనుగుణంగా విద్యాసంస్థల పాఠ్యప్రణాళికలను నవీకరించడం, విద్యార్థుల్లో నైతిక నిర్ణయాత్మక శక్తిని, ప్రొఫెషనల్ నైపుణ్యాలను పెంపొందించడంపై సమావేశంలో పాల్గొన్న విద్యావేత్తలు తమ అభిప్రాయాలను పంచుకున్నారు. ఈ భాగస్వామ్యం ద్వారా పెట్టుబడి నిర్వహణ రంగంలో అత్యుత్తమ వృత్తి జీవితాన్ని నిర్మించుకోవడానికి విద్యార్థులకు నాణ్యమైన మార్గదర్శకత్వం లభిస్తుందని ప్రతినిధులు ధీమా వ్యక్తం చేశారు.

భగ్గుమన్న వెండి ధరలు..ఒక్కరోజే రూ.5,000 పెంపు