దాదాపు రూ.1.80 కోట్లకు పైగా మొత్తాన్ని ఎగవేసినట్లు చిత్ర నిర్మాతలతో పాటు హీరో ఆర్యపై బాధితులు ఫిర్యాదు చేశారు.

read also: Pawan Kalyan: ఎస్. జానకి మృతిపై పవన్ కల్యాణ్ తీవ్ర విచారం

‘తాహెర్ సినీ టెక్నిక్’ ఫిర్యాదుతో వెలుగులోకి..

హైదరాబాద్‌కు చెందిన ప్రముఖ సినీ పరికరాల సరఫరా సంస్థ 'తాహెర్ సినీ టెక్నిక్' అకౌంటెంట్ జావేద్ అలీ ఈ వ్యవహారంపై పోలీసులను ఆశ్రయించారు. ఫిర్యాదులో పేర్కొన్న వివరాల ప్రకారం:

• 2025 ఫిబ్రవరిలో ఒప్పందం: 'అనంతన్ కాడు' సినిమా చిత్రీకరణ నిమిత్తం నటుడు ఆర్య, నిర్మాత వినోద్‌లు తమ సంస్థను సంప్రదించారు.
• కేరళకు పరికరాల తరలింపు: ఒప్పందంలో భాగంగా హైదరాబాద్ నుంచి అత్యంత ఖరీదైన కెమెరాలు, లైటింగ్ యూనిట్లను కేరళలోని షూటింగ్ స్పాట్‌కు తరలించారు.
• రూ. 2.12 కోట్ల బిల్లు: షూటింగ్ పూర్తయిన తర్వాత మొత్తం అద్దె రూ.2.12 కోట్లు కాగా, అందులో అత్యధిక భాగాన్ని (రూ. 1.80 కోట్లకు పైగా) చెల్లించకుండా మేనేజ్‌మెంట్ కాలయాపన చేసింది.

Actor Arya: బెదిరింపులకు పాల్పడ్డారంటూ ఆరోపణలు

బాకీ ఉన్న డబ్బును చెల్లిస్తామని ఒప్పంద పత్రాలపై సంతకాలు చేసినప్పటికీ, ఇప్పటివరకు ఎలాంటి నగదు ఇవ్వలేదని బాధితులు ఆవేదన వ్యక్తం చేశారు. బకాయిల కోసం ఫోన్ కాల్స్, వాట్సాప్ ద్వారా ప్రయత్నించినా స్పందన లేదని, పైగా బాకీ డబ్బులు అడిగినందుకు తమ సంస్థ మేనేజర్‌ను హీరో ఆర్య, నిర్మాత వినోద్‌తో పాటు ఆర్య పర్సనల్ అసిస్టెంట్ కిషోర్ తీవ్రంగా బెదిరించారని ఫిర్యాదులో పేర్కొన్నారు. అంతేకాకుండా, అసలు విషయాలను దాచిపెట్టి కేరళ కోర్టు నుంచి వీరు మధ్యంతర ఉత్తర్వులు (ఇంటరిమ్ ఆర్డర్స్) కూడా తెచ్చుకున్నారని వెల్లడించారు.

బాధితుల నుంచి అందిన ఈ ఫిర్యాదు ఆధారంగా కేసు నమోదు చేసి, దర్యాప్తు ప్రారంభించినట్లు జూబ్లీహిల్స్ పోలీసులు అధికారికంగా వెల్లడించారు.

డిసెంబర్ లో 'ఇడుపు కాయితం' రిలీజ్?