అయితే, బంగాళాఖాతంలో ఏర్పడిన వాయుగుండం ప్రభావంతో గత రెండు, మూడు రోజులుగా రాష్ట్రవ్యాప్తంగా పలు జిల్లాల్లో కుండపోత వర్షాలు కురుస్తున్నాయి. వాగులు, వంకలు పొంగిపొర్లుతుండటం, ఎండిపోయిన భూములు తడవడంతో ప్రజలు మరియు రైతులు “హమ్మయ్యా.. ఇప్పటికైనా నిజమైన వానాకాలం వాతావరణం కనిపించింది” అని హర్షం వ్యక్తం చేస్తున్నారు. ఈ వానలతో భానుడి తీవ్రత తగ్గి, ఉక్కపోత నుంచి ఉపశమనం లభించడంతో పాటు వాతావరణం చల్లబడింది.

ప్రాజెక్టులకు జలకళ: ఆశలు చిగురించిన వ్యవసాయ రంగం

ఈ విస్తారమైన వర్షాలతో రాష్ట్రంలోని జలాశయాలు, ప్రాజెక్టులు మరియు గ్రామీణ ప్రాంతాల్లోని చెరువుల్లోకి క్రమంగా ఇన్ఫ్లో పెరుగుతోంది. ఈ వర్షాల వల్ల సాగు పనులకు శ్రీకారం చుట్టిన రైతుల్లో కొత్త ఆశలు చిగురించాయి. దేవుడి దయ వల్ల వర్షాలు ఇలాగే కొనసాగి ప్రాజెక్టులు, చెరువులు పూర్తిస్థాయిలో నిండితే, ఈ ఏడాది వరితో పాటు ఇతర పంటల సాగుకు ఎలాంటి ఆటంకాలు ఉండవని అన్నదాతలు ఆశిస్తున్నారు. సమృద్ధిగా వర్షాలు కురిసి పంటలు పండాలని, వ్యవసాయ రంగం కలుపుకొని ఆర్థిక వ్యవస్థ ఊపందుకోవాలని ప్రజలు కోరుకుంటున్నారు.

సిరిసిల్ల గురుకులాల్లో ఉచిత ఇంటర్ సీట్లు