Donald Trump: హర్మూజ్ జలసంధిని అమెరికా నూతన భూభాగంగా వర్ణిస్తూ అమెరికా అధ్యక్షుడు డొనాల్డ్ ట్రంప్ సోషల్ మీడియా వేదికగా ఒక మ్యాప్ను షేర్ చేయడం అంతర్జాతీయంగా తీవ్ర కలకలం రేపింది.
ఇరాన్తో కుదిరిన అరవై రోజుల ఒప్పంద గడువు ముగిసిన మరుసటి రోజే ఈ పరిణామం చోటుచేసుకోవడం గమనార్హం. జలసంధిని పునరుద్ధరించామని, సముద్ర గర్భంలోని మైన్లను తొలగించామని ట్రంప్ పేర్కొన్నప్పటికీ, ఇరాన్ ఓడరేవులపై నావికాదళ దిగ్బంధం కొనసాగుతుందని స్పష్టం చేశారు. ప్రస్తుతం ఇరాన్తో ఎలాంటి చర్చలు లేవని ఆయన తేల్చిచెప్పారు.
క్షేత్రస్థాయి వాస్తవాలు మరియు దాడుల పరంపర
ట్రంప్ ప్రకటనకు, వాస్తవ పరిస్థితులకు మధ్య తీవ్ర వ్యత్యాసం ఉందని విశ్లేషకులు అభిప్రాయపడుతున్నారు. జలసంధిలో నౌకల రాకపోకలు ఇప్పటికీ సాధారణ స్థితికి రాలేదు. మంగళవారం నాటి ఘటనలో ఒక బల్క్ క్యారియర్పై గుర్తుతెలియని ప్రొజెక్టైల్ దాడి జరగడంతో పలువురు సిబ్బంది గాయపడ్డారు. ఈ నేపథ్యంలో నౌకలు అత్యంత అప్రమత్తంగా వ్యవహరించాలని యూకే మారిటైమ్ ట్రేడ్ ఆపరేషన్స్ ఏజెన్సీ హెచ్చరించింది.
Donald Trump: ఇరాన్ ఘాటు స్పందన మరియు హెచ్చరికలు
అమెరికా అధ్యక్షుడి ప్రకటనను ఇరాన్ తీవ్రంగా తిప్పికొట్టింది. కేవలం సోషల్ మీడియా పోస్టులతో జలసంధిని ఆక్రమించుకోవడం పగటి కలేనని ఇరాన్ ఉప విదేశాంగ మంత్రి కజెమ్ ఘరిబాబాది ఎద్దేవా చేశారు. తమ షరతులు పూర్తిగా నెరవేరే వరకు జలసంధిని తెరిచే ప్రసక్తే లేదని ఇరాన్ పార్లమెంట్ స్పీకర్ మహమ్మద్ బాఖర్ ఖలీబాఫ్ స్పష్టం చేశారు.
చరిత్ర సృష్టించిన అతిపెద్ద ఎలక్ట్రిక్ విమానం.. విజయవంతంగా తొలి ప్రయాణం..!