దేశంలోనే తొలి మల్టీ-న్యూ ఎనర్జీ వెహికల్ (NEV) ప్లాట్‌ఫామ్‌పై వచ్చిన ఈ వాహనం ఎలక్ట్రిక్ (EV) మరియు ప్లగ్-ఇన్ హైబ్రిడ్ (PHEV) వేరియంట్లలో లభించనుంది. బ్యాటరీ-యాజ్-ఎ-సర్వీస్ (BaaS) మోడల్ కింద ఈవీ ప్రారంభ ధర రూ. 13.99 లక్షలు (ప్లస్ రూ. 4.90/కిమీ బ్యాటరీ రెంట్) కాగా, పీహెచ్‌ఈవీ వెర్షన్ ప్రారంభ ధర రూ. 21.79 లక్షలు (ప్లస్ రూ. 3.20/కిమీ బ్యాటరీ రెంట్) గా కంపెనీ నిర్ణయించింది. ఈవీ మోడల్ 69.2 kWh మ్యాజిక్ బ్యాటరీతో సింగిల్ ఛార్జ్‌పై 517 కి.మీ పరిధిని ఇస్తుండగా, పీహెచ్‌ఈవీ వెర్షన్ పూర్తి ట్యాంక్ మరియు ఛార్జ్‌పై 1,100 కి.మీ కంటే ఎక్కువ కంబైన్డ్ రేంజ్ అందిస్తుంది.

అత్యాధునిక ఫీచర్లు, లెవెల్ 2 ADAS: సెప్టెంబర్ నుంచి డెలివరీలు ప్రారంభం

భారతదేశపు తొలి వెహికల్-టు-హోమ్ (V2H) సామర్థ్యంతో వస్తున్న ఈ ఎస్‌యూవీ ద్వారా కారు బ్యాటరీ నుంచే ఇంటికి అవసరమైన విద్యుత్‌ను సమకూర్చుకోవచ్చు. క్యాబిన్ లోపల సెగ్మెంట్‌లోనే అతిపెద్ద 15.6-అంగుళాల HD డిస్‌ప్లే, 80కి పైగా కనెక్టెడ్ ఫీచర్లతో కూడిన i-SMART 3.0, హింగ్లీష్ కమాండ్లను అర్థం చేసుకునే జెన్-ఏఐ వాయిస్ అసిస్టెంట్ మరియు 10-స్పీకర్ల ఇన్‌ఫినిటీ ఆడియో సిస్టమ్‌లను పొందుపరిచారు. మొదటి యజమానికి జీవితకాల బ్యాటరీ వారంటీని ప్రకటించిన ఎంజీ, భద్రత కోసం 6 ఎయిర్‌బ్యాగ్‌లు, 360-డిగ్రీ కెమెరా మరియు లెవెల్ 2 ADAS సాంకేతికతను అందించింది. హైదరాబాద్ డీలర్‌షిప్‌లలో దీని బుకింగ్‌లు ప్రారంభం కాగా, ఈవీ వేరియంట్ డెలివరీలు సెప్టెంబర్ 2026 నుంచి, పీహెచ్‌ఈవీ మోడల్ డెలివరీలు నవంబర్ 2026 నుంచి ప్రారంభం కానున్నాయి.

కస్టమర్లకు బిగ్ షాక్.. టెలికం టారిఫ్స్ పెరిగే అవకాశం ?