తక్కువ నూనెతో చాలా సులభంగా ఇంట్లోనే తయారు చేసుకోవచ్చు.

White Chickpeas: తెల్ల శనగలతో ఆరోగ్య ప్రయోజనాలు.. జీర్ణక్రియకు మేలు అంటున్న నిపుణులు

కావాల్సిన పదార్థాలు

• ఓట్స్ - 1 కప్పు
• పాలకూర - 1 కప్పు
• పనీర్ - ½ కప్పు
• ఉల్లిపాయ - 1 చిన్నది
• పచ్చిమిర్చి - 1
• జీలకర్ర - ½ టీ స్పూన్
• మిరియాల పొడి - ¼ టీ స్పూన్
• ఉప్పు - తగినంత
• నిమ్మరసం - 1 టీ స్పూన్
• నూనె - 1 టీ స్పూన్

తయారీ విధానం

ముందుగా ఓట్స్‌ను మిక్సీలో వేసి మెత్తని పొడిగా చేసుకోవాలి. పాలకూరను శుభ్రంగా కడిగి సన్నగా తరిగి పక్కన పెట్టుకోవాలి. ఇప్పుడు ఒక గిన్నెలో ఓట్స్ పొడి, పాలకూర, మెదిపిన పనీర్, సన్నగా తరిగిన ఉల్లిపాయ, పచ్చిమిర్చి వేసుకోవాలి. అందులో జీలకర్ర, మిరియాల పొడి, ఉప్పు, నిమ్మరసం వేసి అన్ని పదార్థాలను బాగా కలపాలి. అవసరమైతే కొద్దిగా నీరు పోసి మిశ్రమాన్ని ముద్దలా చేసుకోవాలి. ఈ మిశ్రమంతో చిన్న చిన్న బైట్స్‌గా తయారు చేసుకోవాలి. తర్వాత పాన్‌ను వేడి చేసి కొద్దిగా నూనె రాసి బైట్స్‌ను ఉంచాలి. తక్కువ మంటపై రెండు వైపులా బంగారు రంగు వచ్చే వరకు కాల్చాలి. అంతే.. రుచికరమైన పాలకూర-పనీర్ ఓట్స్ బైట్స్ సిద్ధం. వీటిని పెరుగు లేదా పుదీనా చట్నీతో సర్వ్ చేసుకోవచ్చు.

Spinach Paneer oats bites: ఆరోగ్య ప్రయోజనాలు

ఓట్స్‌లో ఫైబర్ ఉండటంతో పాటు ఎక్కువసేపు కడుపు నిండిన భావన కలిగించడంలో సహాయపడుతుంది. పాలకూరలో ఐరన్, ఫోలేట్ వంటి ముఖ్యమైన పోషకాలు ఉంటాయి. పనీర్ ద్వారా ప్రోటీన్, కాల్షియం లభిస్తాయి. తక్కువ నూనెతో తయారు చేసుకోవడం వల్ల ఇది హెల్తీ బ్రేక్‌ఫాస్ట్ లేదా సాయంత్రం స్నాక్‌గా తీసుకోవచ్చు.

Epaper: epaper.vaartha.com

వైట్ రైస్‌కు బదులుగా రెడ్ రైస్ ట్రై చేశారా? ప్రయోజనాలు ఇవే!